ഇന്ത്യന്‍ പ്രീമിയര്‍ ലീഗിന്റെ പത്താം സീസണിന് ബുധനാഴ്ച തുടക്കം കുറിക്കുന്നു. ഹൈദരാബാദിലെ രാജീവ് ഗാന്ധി ക്രിക്കറ്റ് സ്റ്റേഡിയത്തില്‍ നടക്കുന്ന ആദ്യമത്സരത്തില്‍ നിലവിലെ ചാമ്പ്യന്‍മാരായ സണ്‍റൈസേഴ്സ് ഹൈദരാബാദും റോയല്‍ ചലഞ്ചേഴ്സ് ബാംഗ്ലൂരും തമ്മില്‍ ഏറ്റുമുട്ടും. എട്ട് ടീമുകളും 60 മത്സരങ്ങളുമാണ് ലീഗിലുള്ളത്. സണ്‍റൈസേഴ്സ് ഹൈദരാബാദ്, ഡല്‍ഹി ഡെയര്‍ ഡെവിള്‍സ്, കൊല്‍ക്കത്ത നൈറ്റ് റൈഡേഴ്സ്, ഗുജറാത്ത് ലയണ്‍സ്, കിങ്സ് ഇലവന്‍ പഞ്ചാബ്, പുണെ സൂപ്പര്‍ ജെന്റ്, റോയല്‍ ചലഞ്ചേഴ്സ് ബാംഗ്ലൂര്‍, മുംബൈ ഇന്ത്യന്‍സ്, എന്നിവയാണ് ടീമുകൾ.
ഡെക്കാന്‍ ചാര്‍ജേഴ്സ് പാതിവഴിയില്‍ ഇന്ത്യന്‍ പ്രീമിയര്‍ ലീഗിനെ ഉപേക്ഷിച്ചുപോയതോടെയാണ് സണ്‍റൈസേഴ്സ് കളത്തിലെത്തുന്നത്. കഴിഞ്ഞ വർഷം ചാമ്പ്യൻ പട്ടം നേടിയെടുത്തതോടെ കിരീടം നിലനിര്‍ത്തുക എന്ന ഭാരിച്ച ഉത്തരവാദിത്വത്തോടെയാണ് സണ്‍റൈസേഴ്സ് ഇത്തവണ കളത്തിലിറങ്ങുന്നത്. ചില ടീമുകള്‍ പുതിയ ക്യാപ്റ്റനെയും പരിശീലകനെയുമിറക്കിയാണ് ഇത്തവണ കളത്തിലിറങ്ങുന്നത്. ലേലത്തില്‍ 14.50 കോടി രൂപയ്ക്ക് പുണെ ലേലത്തില്‍പ്പിടിച്ച ഇംഗ്ലീഷ് താരം ബെന്‍ സ്റ്റോക്സിന്റെ പ്രകടനത്തിനാണ് ക്രിക്കറ്റ് പ്രേമികള്‍ ആകാംക്ഷയോടെ കാത്തിരിക്കുന്നത്.
Post Your Comments