മാവേലിക്കര: സ്പിരിറ്റ് ചേര്‍ത്ത കള്ളുമായി രണ്ട് പേരെ അറസ്റ്റ് ചെയ്തു. മാവേലിക്കരയിലാണ് സംഭവം. മാവേലിക്കര കണ്ടിയൂര്‍, പ്രതീക്ഷ വീട്ടില്‍ ബാഹുലേയന്‍ (62), തഴക്കര , വിജയ ഭവനത്തില്‍ മധു (44) എന്നിവരാണ് പിടിയിലായത്. 400 ലിറ്റര്‍ സ്പിരിറ്റ് ചേര്‍ത്ത കള്ളാണ് പിടികൂടിയത്.
കള്ളില്‍ കലക്കാന്‍ സൂക്ഷിച്ചിരുന്ന രണ്ടു ലിറ്റര്‍ സ്പിരിറ്റ്, ഇത് കടത്താന്‍ ഉപയോഗിച്ച വാഹനം എന്നിവയും പിടിച്ചെടുത്തിട്ടുണ്ട്. എക്‌സൈസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഇവരെ മാവേലിക്കര പോലീസ് പിടികൂടിയത്. മാവേലിക്കര ജില്ലാ ആശുപത്രിക്ക് സമീപം വച്ചാണ് രണ്ടംഗ സംഘത്തെയും വാഹനവും കസ്റ്റഡിയിലെടുത്തത്. ചെങ്ങന്നൂര്‍ റെഞ്ചിലേക്കുള്ള കള്ളാണെന്ന് പെര്‍മിറ്റ് പരിശോധനയില്‍ വ്യക്തമായതായി എക്‌സൈസ് ഉദ്യോഗസ്ഥര്‍ അറിയിച്ചു.
Post Your Comments