മുംബൈ: ആര്‍.എസ്.എസ് തലവന്‍ മോഹന്‍ ഭാഗവതിന് ഡിലിറ്റ് ബിരുദം. പാലിനേക്കാള്‍ മികച്ചത് പശുമൂത്രവും ചാണകവുമാണെന്ന് തെളിയിച്ചാണ് മോഹന്‍ ഭാഗവത് മഹാരാഷ്ട്ര ആനിമല്‍ ആന്റ് ഫിഷറീസ് സയന്‍സ് യൂണിവേഴ്സിറ്റി ബിരുദത്തിന് അര്‍ഹനാകാന്‍ കാരണം.
ഗോശാസ്ത്രത്തിലുള്ള സംഭാവനകള്‍ കണക്കിലെടുത്തു കൊണ്ടാണ് ബിരുദം നല്‍കുന്നത്. പാലിനേക്കാള്‍ ഗോശാലകളുടെ സാമ്പത്തിക വശമുള്ളത് പശുമൂത്രത്തില്‍ നിന്നും ചാണകത്തില്‍ നിന്നും ഉണ്ടാക്കുന്ന ഉല്‍പ്പന്നങ്ങളിലാണെന്ന് തെളിയിച്ചയാളാണ് മോഹന്‍ ഭാഗവതെന്ന് യൂണിവേഴ്സിറ്റി പറയുന്നു. വരുന്ന മാര്‍ച്ച് ഒന്‍പതിന് നടക്കുന്ന ചടങ്ങില്‍ ഗവര്‍ണര്‍ സി. വിദ്യാസാഗര്‍ റാവു ഡിലിറ്റ് ബിരുദം സമ്മാനിക്കും.
പ്രധാനമന്ത്രി നരേന്ദ്ര മോദിയും ചടങ്ങില്‍ പങ്കെടുക്കും. നാഗ്പൂരിലെ വെറ്റിനറി കോളേജില്‍ നിന്നും ബിരുദം നേടിയയാളാണ് ഭാഗവത്.
Post Your Comments