അ​ക്കൗ​ണ്ടി​ൽ‌ മി​നി​മം ബാ​ല​ൻസ്സില്ലെങ്കിൽ കർശന നടപടിക്കൊരുങ്ങി എസ്ബിഐ

ന്യൂ ഡൽഹി : അ​ക്കൗ​ണ്ടി​ൽ‌ മി​നി​മം ബാ​ല​ൻസ്സില്ലെങ്കിൽ കർശന നടപടിക്കൊരുങ്ങി എസ്ബിഐ. മി​നി​മം ബാ​ല​ൻ​സ് സൂ​ക്ഷിക്കാത്ത അ​ക്കൗ​ണ്ടു​ക​ൾ​ക്ക് ഏ​പ്രി​ൽ ഒ​ന്നു​മു​ത​ൽ പി​ഴ ചു​മ​ത്തി​തു​ട​ങ്ങു​മെ​ന്ന് സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ അ​റി​യി​ച്ചു. ഓ​രോ പ്ര​ദേ​ശ​ങ്ങ​ളിലെയും വ്യത്യസ്ത മി​നി​മം ബാ​ല​ൻ​സ് തുക അനുസരിച്ച്, ഈടാക്കുന്ന പിഴയിലും വ്യ​ത്യാ​സ​മു​ണ്ടാ​കും.

മെ​ട്രോ സി​റ്റി​ക​ളി​ൽ 5,000 രൂ​പ‍​യാ​യിരിക്കും മി​നി​മം ബാ​ല​ൻ​സാ​യി അക്കൗണ്ടിൽ സൂക്ഷിക്കേണ്ടത്. ന​ഗ​ര​പ്ര​ദേ​ശ​ങ്ങ​ളി​ൽ 3,000 രൂ​പ​യും അ​ർ​ധ ന​ഗ​ര​ങ്ങ​ളു​ടെ പ​ട്ടി​ക​യി​ൽ​വ​രു​ന്ന പ്ര​ദേ​ശ​ങ്ങ​ളി​ൽ 2,000 രൂ​പ​യും,ഉ​ൾ​നാ​ടു​ക​ളി​ൽ കു​റ​ഞ്ഞ​ത് 1,000 രൂ​പയെങ്കിലും മിനിമം ബാലൻസിയായി സൂക്ഷിക്കണം. ഇതനുസരിച്ച് വ്യ​ത്യ​സ്ത പ്ര​ദേ​ശ​ങ്ങ​ൾ​ക്ക് വ്യ​ത്യ​സ്ത നി​ര​ക്കാ​ണ് പി​ഴ​യാ​യി ഈ​ടാ​ക്കുക.

ഇതോടൊപ്പം തന്നെ ഒ​രു മാ​സ​ത്തി​നു​ള്ളി​ൽ മൂ​ന്നു പ​ണ​മി​ട​പാ​ടു​ക​ളി​ൽ കൂ​ടു​ത​ൽ ന​ട​ത്തി​യാ​ൽ ചാ​ർ​ജ് ഈ​ടാ​ക്കാ​നും തീ​രു​മാ​നി​ച്ചി​ട്ടു​ണ്ട്. ഇ​ത്ത​ര​ത്തി​ലു​ള്ള ഓ​രോ ഇ​ട​പാ​ടി​നും 50 രൂ​പ വീ​ത​മാ​ണ് ചാ​ർ​ജ് ഈ​ടാ​ക്കു​ക.