ലക്‌നൗ:മേക്ക് ഇൻ ഇന്ത്യയ്ക്കായി നരേന്ദ്ര മോദി നൽകിയ കാഹളം സിംഹഗർജനമല്ല, ചുണ്ടെലിയുടെ മോങ്ങൽ മാത്രമാണ് എന്നും മേക് ഇൻ ഇന്ത്യയെ പരിഹസിച്ചും കോൺഗ്രസ് ഉപാധ്യക്ഷൻ രാഹുൽ ഗാന്ധി.മേക്ക് ഇൻ ഇന്ത്യ ബ്രാൻഡിലൂടെ ഇറങ്ങുന്ന മിക്കവാറും എല്ലാ ഉൽപ്പന്നങ്ങളും മേഡ് ഇൻ ചൈനയാണ്- രാഹുൽ പരിഹസിച്ചു.മേക്ക് ഇൻ ഇന്ത്യയ്ക്കായി നരേന്ദ്ര മോദി നൽകിയ കാഹളം സിംഹഗർജനമല്ല, ചുണ്ടെലിയുടെ മോങ്ങൽ മാത്രമാണ്. എന്ത് നിലവാരമാണ് ഇത്തരം ടാഗ് ലൈനുകൾക്കുള്ളത്. രാഹുൽ ചോദിച്ചു.
രാഹുലിന്‍റെ പരാമർശത്തിനു മണിക്കൂറുകൾക്കുള്ളിൽ തെരഞ്ഞെടുപ്പു റാലിയിൽ തന്നെ ബിജെപി അധ്യക്ഷൻ അമിത് ഷാ മറുപടി നല്കി. ബിജെപി എന്തു നല്കിയെന്ന് രാഹുൽ ഗാന്ധി ചോദിക്കുന്നു. സംസാരിക്കുന്ന ഒരു പ്രധാനമന്ത്രിയെയാണു നല്കിയത്. കഴിഞ്ഞ പത്തു വർഷം സംസാരിക്കാത്ത ഒരു പ്രധാനമന്ത്രിയാണ് ഉണ്ടായിരുന്നത്. അദ്ദേഹത്തിന്‍റെ ശബ്ദം രാഹുൽ ഗാന്ധിയും അമ്മയും (സോണിയഗാന്ധി) മാത്രമാണു കേട്ടത്-ഷാ പരിഹസിച്ചു.
Post Your Comments