തിരുവനന്തപുരം: എസ്.എഫ്.ഐയ്ക്കെതിരെ രൂക്ഷവിമര്‍ശനവുമായി വി.ടി ബല്‍റാം എം.എല്‍.എ. യൂണിവേഴ്സിറ്റി കോളേജിൽ അരങ്ങേറിയ സദാചാരയ ഗൂണ്ടായിസത്തിന്റെ പേരിലാണ് എസ്.എഫ്.ഐയ്ക്കെതിരെ വി.ടി ബല്‍റാം രംഗത്തെത്തിയിരിക്കുന്നത്. അദ്ദേഹത്തിന്റെ ഫേസ്ബുക്ക് പോസ്റ്റിലൂടെയാണ് ഇക്കാര്യം വ്യക്തമാക്കിയത്. ക്യാമ്പസുകളെ മുഴുവൻ ഇടിമുറികളായി മാറ്റിക്കൊണ്ടാണ് എസ്.എഫ്.ഐ പോലുള്ള പ്രസ്ഥാനങ്ങള്‍ നിലനില്‍ക്കുന്നതെന്ന് ബല്‍റാം ആരോപിച്ചു. മാത്രമല്ല സ്റ്റേജിന്റെ പിറകിലേക്ക് വിളിച്ചുവരുത്തി കയ്യൂക്കിലൂടെയല്ല, സ്റ്റേജിനു മുന്നിലെ തുറന്ന ജനാധിപത്യ സംവാദങ്ങളിലൂടെയാണ് വിദ്യാര്‍ത്ഥി രാഷ്ട്രീയം മുന്നോട്ടുപോവേണ്ടതെന്ന് ബല്‍റാം അഭിപ്രായപ്പെട്ടു.
എസ്.എഫ്.ഐ സ്വാധീനമുള്ള കോളേജുകളില്‍ ആദ്യം ചെയ്യുന്നത് മറ്റുള്ള എല്ലാ ആശയക്കാരെയും അടിച്ചമര്‍ത്തിക്കൊണ്ട് റെഡ് ഫോര്‍ട്ട് എന്ന ബോര്‍ഡുയര്‍ത്തലാണെന്നും ഒന്നും അകത്തേക്കും പുറത്തേക്കും കടക്കാത്ത, ആശയപരമായ കാറ്റും വെളിച്ചവും കടക്കാത്ത ചെങ്കോട്ടകളിലേ അവര്‍ക്ക് ഇന്നത്തെപ്പോലുള്ള പ്രത്യയശാസ്ത്ര വിഡ്ഢികളെ വിരിയിച്ചെടുക്കാന്‍ കഴിയൂവെന്നും ബല്‍റാം ആരോപിക്കുന്നു. ഫേസ്ബുക്ക് പോസ്റ്റിന്റെ പൂർണ്ണ രൂപത്തിലേക്ക്:
Post Your Comments