ഇന്ത്യയുടെ മുന്‍ ക്രിക്കറ്റ് താരം സഹീര്‍ ഖാനും ചക്‌ദേ ഇന്ത്യയിലൂടെ പ്രശസ്തയായ ബോളിവുഡ് താരം സാഗരിക ഗാറ്റ്‌കെയും തമ്മിൽ പ്രണയമാണെന്ന വാർത്തകൾ പ്രചരിക്കുന്നതിനിടെ ഈ വാര്‍ത്തകള്‍ക്കുള്ള മറുപടിയുമായി സാഗരിക ഇപ്പോള്‍ രംഗത്തെത്തിയിരിക്കുകയാണ്. ഞാനിപ്പോള്‍ എനിക്ക് സന്തോഷം നല്‍കുന്ന ഒരാളോടൊപ്പമാണെന്നും സ്വകാര്യ ജീവിതം പരസ്യമാക്കാന്‍ ആഗ്രഹിക്കുന്നില്ലെന്നും അവർ പറഞ്ഞു. ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് സാഗരിക ഇക്കാര്യം പറഞ്ഞത്.
സഹീര്‍ ഖാനോട് വലിയ ബഹുമാനമുണ്ടെന്നും തന്റെ പുതിയ ചിത്രം ഇറാന്‍ഡ റിലീസായാല്‍ തങ്ങളൊരുമിച്ച് പോയി കാണുമെന്നും സാഗരിക വ്യക്തമാക്കി. ചക്‌ദേ ഇന്ത്യയില്‍ ഒരു ക്രിക്കറ്റ് താരത്തെ പ്രണയിക്കുന്ന ഹോക്കി താരമായാണ് സാഗരിക അഭിനയിച്ചത്.
Post Your Comments