വി വി രാജേഷ് നിരാഹാരം അവസാനിപ്പിക്കുമ്പോൾ കെ .സുരേന്ദ്രന് പറയാനുള്ളത് ഒറ്റു കൊടുത്തവരെ കുറിച്ച്

ഒരാഴ്ച മുന്‍പ് സമരം വിജയിച്ചുവെന്ന് അവകാശപ്പെട്ടിരുന്നവര്‍ എന്തിനാണ് ഈ ഒത്തുതീര്‍പ്പ് വ്യവസ്ഥയില്‍ ഒപ്പിട്ടതെന്ന് കെ. സുരേന്ദ്രന്‍ ചോദിച്ചു.എസ്എഫ്‌ഐയും ഡിവൈഎഫ്‌ഐയും ഇല്ലാതെയാണ് ഈ സമരം വിജയിപ്പിച്ചിരിക്കുന്നതെന്നും സമരത്തെ പാതിവഴിയിൽ ഒറ്റുകൊടുത്തവരെ ജനം തിരിച്ചറിഞ്ഞുവെന്നും കെ സുരേന്ദ്രൻ ആരോപിച്ചു.

വിരുദ്ധ രാഷ്ട്രീയ നിലപാട് ഉള്ളവർ പോലും ഒത്തുപോയപ്പോൾ സർക്കാർ ഈ സമരത്തെ എന്തുവില കൊടുത്തും പൊലീസിനെ ഉപയോഗിച്ച് ചോരയില്‍ മുക്കിക്കൊല്ലാനുളള ശ്രമമാണ് നടത്തിയതെന്നും സുരേന്ദ്രൻ പറഞ്ഞു.വിദ്യാർത്ഥികൾക്ക് അംഗീകരിക്കാൻ കഴിയുന്ന തരത്തിലുള്ള തീരുമാനം ഉണ്ടാവുന്നതുവരെ ബിജെപി അവരോടൊപ്പം ഉണ്ടാവും എന്ന വാക്കു പാലിക്കാൻ കഴിഞ്ഞതിൽ സന്തോഷമുണ്ടെന്നും അദ്ദേഹം പറഞ്ഞു..