സാന്റിയാഗോ• ചിലിയില്‍ വിമാനം തകര്‍ന്നുവീണ് നാലുപേര്‍ കൊല്ലപ്പെട്ടു. ഞായറാഴ്ച വൈകുന്നേരം 5 മണിയോടെ ബയോ ബയോ പ്രദേശത്ത് ലക്യൂകാഹ്യൂ എയര്‍ ഫീല്‍ഡിന് സമീപം വിമാനം തകര്‍ന്നുവീണത്.
ഒരു സ്ത്രീയും മൂന്ന് പുരുഷന്മാരുമാണ് യാത്രക്കാരായി വിമാനത്തില്‍ ഉണ്ടായിരുന്നത്. ലാന്‍ഡിംഗിന് ശ്രമിക്കുന്നതിനിടെയായിരുന്നു അപകടം. അപകടത്തില്‍ പൈലറ്റ്‌ കൊല്ലപ്പെട്ടോ എന്ന കാര്യം വ്യക്തമല്ല.
സ്വകാര്യ കമ്പനിയുടെ ഉടമസ്ഥതയിലുള്ളതാണ് വിമാനം. മോച ദ്വീപില്‍ നിന്നും 720 കിലോമീറ്റര്‍ അകലെയുള്ള തിരുവയിലേക്ക് പോവുകയായിരുന്നു വിമാനം. സംഭവത്തെക്കുറിച്ച് അധികൃതര്‍ അന്വേഷണം ആരംഭിച്ചു.
Post Your Comments