സംസ്ഥാനത്തെ ഐഎഎസുകാര്‍ കൂട്ട അവധിയെടുക്കും

തിരുവനന്തപുരം : വിജിലന്‍സ് ഡയറക്ടര്‍ ജേക്കബ് തോമസിന്റെ നടപടികളില്‍ പ്രതിഷേധം. സംസ്ഥാനത്തെ ഐഎഎസുകാര്‍ തിങ്കളാഴ്ച കൂട്ട അവധിയെടുക്കും. ബന്ധു നിയമന വിവാദത്തില്‍ മുന്‍ മന്ത്രി ഇ പി ജയരാജനെ ഒന്നാം പ്രതിയാക്കിയ വിജലന്‍സ് വ്യവസായ വകുപ്പ് അഡീഷണല്‍ ചീഫ് സെക്രട്ടറി പോള്‍ ആന്റണിയെ രണ്ടാം പ്രതിയാക്കിയത് ബോധപൂര്‍വമാണെന്നും പോള്‍ ആന്റണി മന്ത്രിയുടെ നിര്‍ദ്ദേശം അനുസരിക്കുകമാത്രമാണ് ചെയ്തതെന്നുമാണ് ഐഎഎസ് അസോസിയേഷന്റെ നിലപാട്.

ജേക്കബ് തോമസ് ഉദ്യോഗസ്ഥരുടെ മനോവീര്യം തകര്‍ത്തുവെന്നും, വിജിലന്‍സ് ഡയറക്ടറുടെ നടപടിയില്‍ മുഖ്യമന്ത്രിയെ കണ്ട് പ്രതിഷേധം അറിയിക്കാനും അസോസിയേഷന്‍ തീരുമാനിച്ചിട്ടുണ്ട്.