സർക്കാരിനെതിരെ കുമ്മനം ഉപവാസസമരത്തിന് ഒരുങ്ങുന്നു

തിരുവനന്തപുരം. ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ സെക്രട്ടറിയേറ്റ് നടയില്‍ ഏകദിന ഉപവാസ സമരം നടത്താൻ ഒരുങ്ങുന്നു. മുടങ്ങിയ റേഷന്‍ പുന:സ്ഥാപിക്കുക, പി.എസ്.സി റാങ്ക് ലിസ്റ്റ് കാലാവധി നീട്ടുക, ദളിത് പീഡനങ്ങള്‍ക്ക് തടയിടുക എന്നീ ആവശ്യങ്ങളുന്നയിച്ചാണ് ഉപവാസ സമരം നടത്തുക.

ബിജെപി എംഎല്‍എ ഒ രാജഗോപാലാണ് ഇക്കാര്യം അറിയിച്ചത്. ഡിസംബര്‍ 29 വ്യാഴാഴ്ച്ച രാവിലെ 10 മുതല്‍ 24 മണിക്കൂര്‍ നേരത്തേക്കാണ് ഉപവാസസമരം.കുമ്മനത്തിന് പിന്തുണയുമായി ജില്ലാ തലങ്ങളിലും ബിജെപി ഐക്യദാര്‍ഡ്യ ഉപവാസം നടത്തും.