ഹൈദരാബാദ്: ഐഎസില്‍ ചേരാന്‍ ശ്രമിച്ച രണ്ട് യുവാക്കളെ പിടികൂടി. തെലങ്കാന സ്വദേശികളെയാണ് അറസ്റ്റ് ചെയ്തത്. ഇവര്‍ നാലുമാസത്തോളം ജയിലിലായിരുന്നുവെന്ന് പോലീസ് വ്യക്തമാക്കുന്നു. സിറിയയിലേക്ക് കടക്കാന്‍ ശ്രമിക്കുന്നതിനിടെ തുര്‍ക്കിയില്‍ വെച്ചാണ് ഇവരെ പിടികൂടിയത്.
വാരംഗല്‍ സ്വദേശിയായ ഗുഫ്‌റാന്‍ മോഹിയുദ്ദിന്‍, ഹൈദരാബാദ് സ്വദേശിയായ ഹാമിദ്-ഉര്‍-റഹ്മാന്‍ എന്നിവരാണ് പിടിയിലായത്. ഒക്‌ടോബറില്‍ ഇന്ത്യയിലേക്ക് തിരിച്ച് അയച്ച ഇവരെ തെലങ്കാന പൊലീസും ഇന്റലിജന്‍സ് ഉദ്യോഗസ്ഥരും കൗണ്‍സിലിംഗിന് വിധേയമാക്കിയിരുന്നു. ഇപ്പോള്‍ ഇവര്‍ ഉദ്യോഗസ്ഥരുടെ നിരീക്ഷണത്തിലാണ്. ഇരുവരും എഞ്ചിനീയറിംഗ് പൂര്‍ത്തിയാക്കിയവരാണ്.
Post Your Comments