ഇനി കെ എസ് ആർ ടി സി ടിക്കറ്റു കൗണ്ടറുകളിൽ സ്വൈപ്പ് മെഷീൻ

മൈസൂരു:മൈസൂർ മുതൽ ബാംഗ്ളൂർ വരെ പോകുന്ന നോൺ സ്റ്റോപ്പ് ബസുകളുടെ ടിക്കറ്റു എടുക്കാൻ ഇനി കൗണ്ടറുകളിൽ ഡെബിറ്റ് കാർഡ് സംവിധാനം പ്രാവർത്തികമാക്കും. ടിക്കറ്റു കൗണ്ടറുകളിൽ സ്വൈപ്പ് മെഷീൻ സ്ഥാപിക്കുകയാണ് കർണാടക ട്രാൻസ്‌പോർട്ട് കോർപ്പറേഷൻ.

ഏകദേശം നാലായിരം യാത്രക്കാരാണ് ഈ റൂട്ടിൽ പ്രതിദിനം യാത്ര ചെയ്യുന്നതെന്ന് കെ എസ് ആർ ടി സി അറിയിച്ചു.വോൾവോ ബസുകൾ 32 മുതൽ 40 വരെ ട്രിപ്പ് പോകുന്നുണ്ട്. വാരാന്ത്യങ്ങളിൽ 50 ട്രിപ്പ് വരെയാണ് പോകുന്നത്.യാത്രക്കാർക്ക് ടിക്കറ്റുകൾ ഡിജിറ്റൽ സംവിധാനത്തിൽ ആക്കുക വഴി വളരെയേറെ ആശ്വാസകരമാകുമെന്നാണ് വിലയിരുത്തൽ.