ഇന്നുമുതല്‍ ട്രെയിന്‍ ഗതാഗതത്തില്‍ നിയന്ത്രണം

തൃശൂര്‍: പാതയില്‍ അറ്റകുറ്റപ്പണി നടക്കുന്നതിനാല്‍ ചാലക്കുടി – അങ്കമാലി സ്റ്റേഷനുകള്‍ക്കിടയിൽ ട്രെയിന്‍ ഗതാഗതത്തിന് നിയന്ത്രണം. എന്നാൽ തിങ്കളാഴ്ച്ച ദിവസങ്ങളിൽ നിയന്ത്രണം ഉണ്ടാകില്ല. കണ്ണൂരില്‍നിന്ന് 2.35ന് പുറപ്പെടുന്ന കണ്ണൂര്‍- എറണാകുളം എക്സ്പ്രസ് (16306) ചാലക്കുടിയില്‍ 1.45 മണിക്കൂര്‍ പിടിച്ചിടും. ബുധനാഴ്ചകളില്‍ എത്തുന്ന ബിലാസ്പൂര്‍ – തിരുനെല്‍വേലി എക്സ്പ്രസും (22619) ചൊവ്വാഴ്ചകളില്‍ എത്തുന്ന ബിലാസ്പൂര്‍ – എറണാകുളം എക്സ്പ്രസും (22815) ഇരിങ്ങാലക്കുട യിലോ ചാലക്കുടിയിലോ ഒരു മണിക്കൂര്‍ പിടിച്ചിടും.

അതേസമയം 2.55ന് നിലമ്പൂരില്‍നിന്ന് പുറപ്പെടുന്ന നിലമ്പൂര്‍ റോഡ് – എറണാകുളം പാസഞ്ചര്‍ (56363) ഇരിങ്ങാലക്കുടയില്‍ സര്‍വിസ് അവസാനിപ്പിക്കും.രാത്രി 8.35ന് എറണാകുളത്തുനിന്ന് പുറപ്പെടേണ്ട എറണാകുളം – കോട്ടയം പാസഞ്ചര്‍ (56389) 10.25നേ പുറപ്പെടൂ. അറ്റകുറ്റപ്പണി ഈമാസം 27 വരെ തുടരുമെന്നാണ് അറിയിപ്പ്.