എടിഎമ്മില്‍ ക്യൂ നിന്നവരെ കാര്‍ ഇടിച്ചുതെറിപ്പിച്ചു; 15 പേര്‍ ഗുരുതരാവസ്ഥയില്‍

സോലാപുര്‍: പണം എടുക്കാന്‍ എടിഎമ്മിനുമുന്നില്‍ മണിക്കൂറുകളോളം കാത്തുനിന്ന ആളുകള്‍ക്കിടയിലേക്ക് കാര്‍ ഇടിച്ചു കയറി. മഹാരാഷ്ട്രയിലെ സോലാപുര്‍ബിജാപുര്‍ റോഡിലാണ് അപകടം ഉണ്ടായത്. അപകടത്തില്‍ 15പേര്‍ക്ക് പരിക്കേറ്റിട്ടുണ്ട്. ഇതില്‍ മൂന്നു പേരുടെ നില ഗുരുതരമാണെന്നാണ് റിപ്പോര്‍ട്ട്.

അടര്‍നഗര്‍ എടിഎമ്മിനു മുന്നില്‍ രാവിലെ 11നായിരുന്നു അപകടം. പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. മദ്യപിച്ച് കാര്‍ ഒടിച്ചതാണ് അപകടത്തിന് കാരണമായതെന്നാണ് സൂചന. ഇയാളെ നാട്ടുകാര്‍ കൈകാര്യം ചെയ്തിട്ടുണ്ട്. പിന്നീട് പോലീസ് അറസ്റ്റ് ചെയ്ത് കൊണ്ടുപോയി.