വർഷാവസാന വിൽപ്പനയുടെ ഭാഗമായി നിരക്കുകൾ കുറച്ച് വിമാനകമ്പനികൾ

ന്യൂഡൽഹി: വർഷാവസാന വിൽപ്പനയുടെ ഭാഗമായി നിരക്കുകൾ കുറച്ച് വിമാനകമ്പനികൾ.ആഭ്യന്തര വിമാനസര്‍വീസുകളുടെ ടിക്കറ്റ് നിരക്കാണ് ഇന്‍ഡിഗോ എയർലൈൻസ് കുറച്ചിരിക്കുന്നത് . ഈ മാസം 14മുതല്‍ 2017 ഒക്ടോബര്‍ 28 വരെയുള്ള യാത്രകള്‍ക്ക് 799 രൂപയാണ് ഇൻഡിഗോയുടെ ഓഫർ നിരക്ക്. കൊച്ചി,തിരുവനന്തപുരം, കോയമ്പത്തൂര്‍,ചെന്നൈ റൂട്ടുകളിലാണ് ഈ ഓഫര്‍ ലഭ്യമാവുക. ബംഗളൂരു-ഹൈദരാബാദ് റൂട്ടില്‍ 999 രൂപയും ഡല്‍ഹി -ജയ്പൂര്‍ റൂട്ടിൽ 1041 രൂപയുമാണ് മറ്റ് നിരക്കുകൾ.

ജെറ്റ് എയർവെയ്‌സും വര്‍ഷാവസാന വില്‍പനയുടെ ഭാഗമായി തിരക്കുകൾ കുറച്ചിട്ടുണ്ട്. ഇക്കണോമി ക്ലാസില്‍ 899 രൂപ ടിക്കറ്റുകള്‍ ഓള്‍ ഇന്‍ക്ലൂസീവ് പാക്കേജില്‍ ജെറ്റ് എയർവേയ്‌സ് ലഭ്യമാക്കുന്നുണ്ട്. കൂടാതെ സ്പൈസ് ജെറ്റും തെരഞ്ഞെടുക്കപ്പെട്ട റൂട്ടുകളില്‍ 737 രൂപ ഓഫര്‍ പ്രഖ്യാപിച്ചിട്ടുണ്ട്. ജനുവരി 9 മുതല്‍ ഒക്ടോബര്‍ 28 വരെയാണ് ഓഫര്‍ കാലാവധി.