ദുഫേര : ഇന്ത്യന്‍ ക്രിക്കറ്റ് താരം യുവ്‌രാജ് സിംഗും ബോളിവുഡ് നടിയും മോഡലുമായ ഹേസല്‍ കീച്ചും വിവാഹിതരായി. ദുഫേരയിലെ ബാബാ രാംസിംഗ് ഗണ്ഡുവാന്‍ വാലേ ദേരയില്‍ സിക്ക് മതാചാര പ്രകാരമുള്ള വിവാഹച്ചടങ്ങുകളാണ് ഇന്നലെ നടന്നത്. ഹിന്ദു മതാചാര പ്രകാരമുള്ള ചടങ്ങുകള്‍ നാളെ ഗോവയില്‍ നടക്കും. ന്യൂഡല്‍ഹിയില്‍ ഈ മാസം ഏഴിന് വിവാഹ സത്കാരവും സംഘടിപ്പിച്ചിട്ടുണ്ട്. യുവിയുടെയും ഹേസലിന്റെയും അടുത്ത ബന്ധത്തിലുള്ള വളരെ ചുരുക്കം പേരെ മാത്രമേ വിവാഹച്ചടങ്ങിലേക്ക് ക്ഷണിച്ചിരുന്നുള്ളൂ. കഴിഞ്ഞ ദിവസം മെഹന്ദി ചടങ്ങോടെയാണ് വിവാഹച്ചടങ്ങുകള്‍ ആരംഭിച്ചത്. ഇന്നലെ സിക്ക് മതാചാര പ്രകാരമുള്ള വസ്ത്രങ്ങളാണ് വധൂവരന്മാര്‍ അണിഞ്ഞത്. ഇന്ത്യന്‍ ക്രിക്കറ്റ് ക്യാപ്ടന്‍ വിരാട് കൊഹ്‌ലിയുടെ നേതൃത്വത്തില്‍ ടീമംഗങ്ങളും കോച്ച് അനില്‍കുംബ്‌ളെയും വിവാഹത്തില്‍ പങ്കുചേരാന്‍ എത്തിയിരുന്നു.
Post Your Comments