സാങ്കേതിക വിദ്യയുടെ കൈപിടിച്ച് ശബരിമലയും: കാണിക്ക ഇടാനും പുതിയ മാർഗം

പത്തനംതിട്ട: ശബരിമലയിൽ ഇനി സ്വൈപ്പിങ്ങ് യന്ത്രം വഴി കാണിക്ക നിക്ഷേപിക്കാം. തങ്ങള്‍ക്ക് ഇടാനുള്ള കാണിക്കയുടെ തുക യന്ത്രത്തില്‍ രേഖപ്പെടുത്തി സാധാരണ സ്വൈപ്പിങ്ങ് യന്ത്രത്തിലേതുപോലെ പ്രവർത്തിപ്പിച്ചാൽ മതിയാകും. സോപാനത്ത് തെക്കുഭാഗത്ത് വഞ്ചിക മാതൃകയില്‍ ഇത് സ്ഥാപിക്കും.

അസാധു നോട്ടുകളും ഭക്തർ പണം കൈയ്യിൽ പിടിച്ചുകൊണ്ട് വരുന്നതിന്റെ ബുദ്ധിമുട്ടും ഒഴിവാക്കാനാണിത്. ധനലക്ഷ്മി ബാങ്കാണ് ഇത് സ്ഥാപിക്കുന്നത്. പദ്ധതി വിജയമായാൽ മറ്റിടങ്ങളിലും സ്ഥാപിക്കും. അതേസമയം ശബരിമല ക്ഷേത്രത്തിന്റെ വെബ്‌സൈറ്റ്, ഫേസ് ബുക്ക്, യുട്യൂബ്, ആപ്പ് എന്നിവയുടെ ഉദ്ഘാടനം ഇന്ന് നടക്കും.