നോട്ട്ക്ഷാമം പരിഹരിക്കാന്‍ നോട്ടുകളുടെ അച്ചടി വേഗത്തില്‍ പുരോഗമിക്കുന്നു

നാസിക്ക് : ആർ ബി ഐയിൽ പുതിയ 500 ന്റെ നോട്ടുകൾ വിതരണത്തിന് തയ്യാറായി എത്തി. നാസിക്ക് കറൻസി നോട്ട് പ്രസിൽ അച്ചടിച്ച 5 മില്യൺ നോട്ടുകളുടെ ആദ്യ ഗഡുവാണ് ആർ ബി ഐയിലെത്തിയത്. ബുധനാഴ്ച്ച അടുത്ത ഗഡുവായി അഞ്ച് മില്യൺ നോട്ടുകൾ അയയ്ക്കും.

നോട്ടുകൾ അച്ചടിക്കുന്ന ഒൻപത് യൂണിറ്റുകളിൽ ഒന്നാണ് നാസിക്കിലെ കറൻസി നോട്ട് പ്രസ് . 20, 50, 100 നോട്ടുകളും ഇവിടെ വലിയ തോതിൽ അച്ചടിച്ച് അയയ്ക്കുന്നുണ്ട് .2000 നു പുറമേ 500 കൂടി എത്തുന്നതോടെ നോട്ടു ക്ഷാമം മറികടക്കാൻ കഴിയുമെന്നാണ് പ്രതീക്ഷിക്കുന്നത്. കഴിഞ്ഞ നവംബർ 8 നാണ് 500, 1000 രൂപ നോട്ടുകൾ സർക്കാർ അസാധുവാക്കിയത്.