മെക്സിക്കോ സിറ്റി: പറന്നു കൊണ്ടിരിക്കുന്ന വിമാനത്തിനുള്ളില്‍ പാമ്പിനെ കണ്ട് യാത്രക്കാര്‍ ഭയന്ന് വിറച്ചു. ടോറിയോണില്‍ നിന്നും മെക്സിക്കോ സിറ്റിയിലേക്ക് പോവുകയായിരുന്നു വിമാനം. സിനിമാക്കഥകളില്‍ മാത്രം കണ്ട കാഴ്ച കണ്ട് പലര്‍ക്കും ബോധം പോകുന്ന അവസ്ഥ വരെയായി.ലഗേജ് കംബാര്‍ട്ട്മെന്റില്‍ നിന്നും നിരങ്ങി നീങ്ങുന്ന പാമ്പിന്റെ ദൃശ്യങ്ങള്‍ പകര്‍ത്താന്‍ ചില യാത്രക്കാര്‍ മറന്നില്ല.
ധൈര്യശാലികളായ ചില യാത്രക്കാര്‍ വിമാനജീവനക്കാര്‍ നല്‍കിയ കമ്പിളികള്‍ ഉപയോഗിച്ച്‌ പാമ്പിനെ കെണിയിലാക്കി.ഉഗ്രവിഷമുള്ള പാമ്പായിരുന്നു അത്. പാമ്പ് എങ്ങനെ അകപ്പെട്ടുവെന്ന് വ്യക്തമായിട്ടില്ലെന്നും സംഭവത്തില്‍ അന്വേഷണം നടക്കുകയാണെന്നും എയറോ മെക്സിക്കോ അധികൃതര്‍ വ്യക്തമാക്കി. ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ നടപടി സ്വീകരിക്കുമെന്നും അവര്‍ വ്യക്തമാക്കി.മെക്സിക്കോ സിറ്റിയിലെത്തിയ ശേഷം മൃഗസംരക്ഷണ ഉദ്യോഗസ്ഥര്‍ എത്തി പാമ്പിനെ നീക്കം ചെയ്തു.
https://www.youtube.com/watch?v=fcOcfV4E_4k
Post Your Comments