തിരുവനന്തപുരം: ഉമ്മന്‍ചാണ്ടിയുടെ കെഎസ്ആര്‍ടിസി ബസ് യാത്ര മാധ്യമങ്ങള്‍ കൊട്ടിഘോഷിച്ചിരുന്നു. ഇതിനുപിന്നാലെ ഉമ്മന്‍ചാണ്ടിയുടെ ട്രെയിന് യാത്രയും വൈറലാകുകയാണ്. സാധാരണക്കാരനെ പോലെ ട്രെയിനില്‍ കിടന്നുറങ്ങുന്ന ഉമ്മന്‍ചാണ്ടിയുടെ ഫോട്ടോയെടുത്ത് സോഷ്യല്‍മീഡിയ ആഘോഷമാക്കി.
സുരക്ഷാ പരിവാരങ്ങളില്ലാതെ സ്ലീപ്പര്‍ ക്ലാസ് ട്രെയിനില്‍ കിടന്നുറങ്ങുന്ന ഉമ്മന്‍ചാണ്ടി. ഇതായിരുന്നോ മുന്‍മുഖ്യമന്ത്രി എന്നു തോന്നിപ്പോകും ആ കിടപ്പ് കണ്ടാല്‍. ലാളിത്യത്തിന്റെ പ്രതിരൂപം, പല്ലു കൊഴിഞ്ഞ സിംഹം, ഗജകേസരിയോഗം എന്നിങ്ങനെ അനുകൂലിച്ചും പ്രതികൂലിച്ചും ഒട്ടനവധി കമ്മന്റുകളാണ് ഉമ്മന്‍ചാണ്ടിയുടെ ഈ ചിത്രത്തിന് വന്നത്.
കോട്ടയത്ത് നിന്നും തിരുവനന്തപുരത്തേക്കുള്ള ട്രെയിന് യാത്രയാണിത്. സഹയാത്രികന്‍ ഫോട്ടോയെടുത്ത് സോഷ്യല്‍മീഡിയയില്‍ പോസ്റ്റും ചെയ്തു. സാധാരണക്കാര്‍ക്കൊപ്പം ട്രെയിനില്‍ യാത്ര ചെയ്യാനാണ് താന്‍ ഇഷ്ടപ്പെടുന്നതെന്ന് മുന്‍പ് ഉമ്മന്‍ചാണ്ടി പറഞ്ഞിരുന്നു. ഇത്തരം യാത്രകളില്‍ ജനങ്ങളുമായി കൂടുതല്‍ അടുക്കാന്‍ സാധിക്കും. ഇതാദ്യമായിട്ടല്ല ഉമ്മന്‍ചാണ്ടി സുരക്ഷ പരിരക്ഷയില്ലാതെ യാത്ര ചെയ്യുന്നത്.
Post Your Comments