ജയ്പൂര്‍: പെരുമ്പാമ്പിനൊപ്പം സെല്‍ഫിയെടുക്കുന്നതിനിടെ പാമ്പ് യുവാവിനെ ആക്രമിച്ചു. രാജസ്ഥാനിലെ മൗണ്ട് അബു ജില്ലയിലാണ് സംഭവം. വനംവകുപ്പ് വിഭാഗം ഒരു ഹോട്ടലില്‍ കയറിക്കൂടിയ പെരുമ്പാമ്പിനെ പിടികൂടി. നാല് പേര്‍ ചേര്‍ന്ന് പാമ്പിനെ കൊണ്ടുപോകുന്നതിനിടെ യുവാവ് പാമ്പിനൊപ്പം സെല്‍ഫിയെടുക്കാന്‍ ശ്രമിക്കുന്നതിനിടെയാണ് യുവാവിന് കടിയേറ്റത്.
ആദ്യം യുവാവ് പാമ്പുമായി പാറക്കെട്ടുകള്‍ ഇറങ്ങി വരികയായിരുന്ന സംഘത്തില്‍ നിന്നും കുറച്ചു ദൂരം മാറി നിന്ന് സെല്‍ഫിയെടുത്തു. സെല്‍ഫിക്ക് വ്യക്തതയില്ല എന്നു തോന്നിയ യുവാവ് പാമ്പിനോട് കുറച്ചുകൂടി അടുത്തു നിന്ന് ഫോട്ടോയെടുത്തു. ഈ സമയം പാമ്പ് യുവാവിന്റെ നെഞ്ചില്‍ കടിക്കുകയായിരുന്നു. യുവാവ് വെട്ടിത്തിരിഞ്ഞു മാറിയതോടെ കാര്യമായി പരിക്കേറ്റില്ല. ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാകുകയും ചെയ്തു.
Post Your Comments