ഇസ്‌ലാമാബാദ് : നവജാത ശിശുവിനെ കടിച്ച് പിടിച്ചോടുന്ന തെരുവ് നായയുടെ ഞെട്ടിപ്പിക്കുന്ന വീഡിയോ പുറത്ത്. പാകിസ്ഥാനില്‍ നിന്നുള്ള വീഡിയോയാണ് പുറത്തു വന്നിരിക്കുന്നത്. പാകിസ്താനില്‍ ചിത്രീകരിച്ച വീഡിയോയില്‍ തിരക്കുള്ള നിരത്തിലൂടെ നവജാത ശിശുവിനെ കടിച്ച് കൊണ്ട് ഓടുന്ന തെരുവ് നായയുടെ ദൃശ്യങ്ങളാണ് ഉള്‍പ്പെട്ടിട്ടുള്ളത്.
അജ്ഞാതനായ വഴിയാത്രക്കാരന്‍ ഈ ദൃശ്യങ്ങള്‍ ചിത്രീകരിച്ച് സോഷ്യല്‍ മീഡിയയില്‍ ഇടുകയായിരുന്നു. തെരുവ് നായയില്‍ നിന്നും നവജാത ശിശുവിനെ രക്ഷപെടുത്താന്‍ തങ്ങള്‍ ശ്രമിച്ചെങ്കിലും സാധിച്ചില്ലെന്ന് ദൃക്‌സാക്ഷികള്‍ പറഞ്ഞു. അല്‍പസമയത്തിന് ശേഷം തെരുവ് നായ നവജാത ശിശുവിനെ കുറ്റിച്ചെടികള്‍ക്കിടയില്‍ ഉപേക്ഷിക്കുകയായിരുന്നു. നേരത്തെ ഒമാനിലും സമാന സാഹചര്യത്തില്‍ തെരുവ് നായ പിഞ്ചുകുഞ്ഞിനെ എടുത്ത് കൊണ്ട് പോയിരുന്നു. എന്നാല്‍ കുഞ്ഞിനെ ഗുരുതര പരുക്കുകളോടെ വീണ്ടെടുക്കുകയായിരുന്നു.
Post Your Comments