ദുബായ്: യു.എ.ഇ.ക്കാര്‍ക്ക് ഈദ് സമ്മാനമായി അതിവേഗത്തിലുള്ള സൗജന്യ വൈഫൈ കണക്ഷന്‍. ഇന്ന് മുതൽ സെപ്തംബർ പതിനേഴുവരെയാണ് ആനുകൂല്യം ലഭ്യമാവുക.ഷോപ്പിങ് മാളുകളും റെസ്റ്റോറന്റുകളും അടക്കം രാജ്യത്തെ 300 കേന്ദ്രങ്ങളില്‍ മൊബൈലുകളില്‍ ‘യു.എ.ഇ. വൈഫൈ’ സൗജന്യമായി കണക്ട് ചെയ്യും.
യു.എ.ഇ. മൊബൈല്‍ നമ്പറുള്ള ഏതൊരാള്‍ക്കും ഈ സൗജന്യ ഇന്റര്‍നെറ്റ് ലഭ്യമാകുമെന്ന് ഇത്തിസലാത്ത് അറിയിച്ചു.സൗജന്യ കണക്ഷന്‍ ലഭിക്കാന്‍ മൊബൈല്‍ ‘യു.എ.ഇ. വൈഫൈ ബൈ ഇത്തിസലാത്ത്’ എന്ന സിഗ്നലിലേക്ക് ബന്ധപ്പെടുത്തണം.രജിസ്റ്റര്‍ ചെയ്യുന്നവര്‍ക്ക് ഇത്തിസലാത്തില്‍ നിന്ന് പിന്‍ നമ്പര്‍ സഹിതമുള്ള എസ്.എം.എസ്.സന്ദേശം ലഭിക്കും. തുടര്‍ന്ന് മൊബൈല്‍ നമ്പര്‍ ഉപയോഗിച്ച് ലോഗിന്‍ ചെയ്യാം. പിന്‍ നമ്പറായിരിക്കും പാസ് വേര്‍ഡ്.
സൗജന്യ വൈഫൈ ലഭിക്കുന്ന ഇടങ്ങള്‍ അറിയുന്നതിന് etisalat.ae/wifi സന്ദര്‍ശിക്കുകയോ ‘അറൗണ്ട് മി’ എന്ന ഇന്ററാക്റ്റീവ് മാപ് ഉപയോഗിക്കുകയോ ചെയ്യാം.
Post Your Comments