ബെയ്ജിങ് : ചൈനയിലെ സുഹോവുവില്‍ വാതിലില്‍ തല കുടുങ്ങിയയാളെ രക്ഷപ്പെടുത്തി. ആഗസ്റ്റ് 19 നാണ് സംഭവം നടക്കുന്നത്. എന്നാല്‍ ഇപ്പോഴാണ് സംഭവം പുറത്തായത്. 43 കാരനായ സാങ് എന്ന യുവാവിനാണ് അബദ്ധം സംഭവിച്ചത്.
സ്ഥിരമായി മദ്യപിച്ചെത്തിയിരുന്ന ഇയാള്‍ ഭാര്യയെ ഉപദ്രവിക്കുന്നത് പതിവായിരുന്നു. സഹികെട്ട ഭാര്യ ഇയാളെ മുറിയില്‍ ഇട്ട് പൂട്ടുകയായിരുന്നു. മുറിയില്‍ നിന്നും പുറത്തിറങ്ങാന്‍ ശ്രമിക്കുന്നതിനിടെയാണ് സാങിന്റെ തല വാതിലിയെ ചെറിയ ഭാഗത്ത് കുടുങ്ങിയത്. തുടര്‍ന്ന് അഗ്‌നിശമന വിഭാഗമെത്തിയാണ് സാങിന്റെ തല പുറത്തെടുത്തത്.
ആറ് പേരടങ്ങുന്ന അഗ്‌നിശമന വിഭാഗമാണ് യുവാവിനെ രക്ഷപ്പെടുത്തിയത്. മെറ്റല്‍ കട്ടറും ഹൈഡ്രോളിക് മെഷീനും ഉപയോഗിച്ച് അരമണിക്കൂറോളം പ്രയത്‌നിച്ചാണ് വാതില്‍ തകര്‍ത്ത് സാങിന്റെ തല പുറത്തെടുത്തത്. സാങിന് പരിക്കുകളൊന്നുമില്ലെന്നാണ് റിപ്പോര്‍ട്ട്.
Post Your Comments