ദുര്‍മന്ത്രവാദം ഇല്ലെന്ന് അവകാശപ്പെടുമ്പോഴും ദുര്‍മന്ത്രവാദത്തിന്റെ കെണിയില്‍ കുടുങ്ങി ഒരു ഗ്രാമം

ഇന്ത്യയില്‍ ഈ നൂറ്റാണ്ടിലും ദുര്‍മന്ത്രവാദവും നരബലിയും ഇല്ലെന്ന് അവകാശപ്പെടുമ്പോഴും ദുര്‍മന്ത്രവാദത്തിന്റെ തലസ്ഥാനം എന്നറിയപ്പെടുന്ന ഒരു സ്ഥലമുണ്ടിവിടെ അതാണ് മയോങ് ഗ്രാമം. അസമിലാണ് ഈ ഗ്രാമം സ്ഥിതി ചെയ്യുന്നത്. 

മന്ത്രവാദത്തെ ആട്ടിയകറ്റേണ്ട ഈ കാലഘട്ടത്തിലും മന്ത്രവാദത്തിനും അത്തരത്തിലുള്ള കുത്സിത പ്രവര്‍ത്തികള്‍ക്കും ചുക്കാന്‍ പിടിയ്ക്കുന്ന കാഴ്ചയാണ് മയോങ്ങിലുള്ളത്.

മയോങ്ങ് എന്ന പേരു പോലും ഗ്രാമത്തിന് ലഭിച്ചത് മായ എന്ന വാക്കില്‍ നിന്നാണ്. ഈ ഗ്രാമത്തിലുള്ളവര്‍ നടത്തുന്ന ഉത്സവത്തിന്റെ പേരാണ് മയോങ് പോബിതോര എന്നത്. മൂന്ന് ദിവസം നീണ്ട് നില്‍ക്കുന്ന ഈ ഉത്സവത്തില്‍ കറുത്ത ശക്തികളെ കൂട്ടുപിടിച്ച് കൂടുതല്‍ മന്ത്രവാദ ശക്തികള്‍ നേടിയെടുക്കാനാണ് ഓരോ മന്ത്രവാദിയും ശ്രമിക്കുന്നത്.

ദുര്‍മന്ത്രവാദം പഠിയ്ക്കാനായി രാജ്യത്തിന്റെ പല ഭാഗങ്ങളില്‍ നിന്നും ആളുകള്‍ എത്തുന്നുണ്ട്. നൂറിലധികം മന്ത്രവാദികളാണ് ഇപ്പോള്‍ ഈ ഗ്രാമത്തിലുള്ളത്. എല്ലാവരും ചെയ്യുന്നതാകട്ടെ ദുര്‍മന്ത്രവാദങ്ങളും.

രോഗം വന്നാല്‍ ഈ ഗ്രാനത്തിലുള്ളവര്‍ ആശ്രയിക്കുന്നത് ഡോക്ടറെയല്ല മന്ത്രവാദികളെയാണ് എന്നതാണ് സത്യം.

ദുര്‍മന്ത്രവാദത്തിന്റെ സ്മാരകം എന്ന നിലയ്ക്ക് ഇവിടെ തന്നെ ഒരു മ്യൂസിയവും സ്ഥിതി ചെയ്യുന്നുണ്ട്. തലയോട്ടികളും എല്ലിന്‍കഷ്ണങ്ങളും അസ്ഥികൂടങ്ങളും ഈ മ്യൂസിയത്തെ ഭയപ്പെടുത്തുന്നതാക്കി മാറ്റുന്നു.

ആളുകളെ അപ്രത്യക്ഷരാക്കാനും ആടിനെ പട്ടിയാക്കാനും പൂച്ചയാക്കാനും വരെ മന്ത്രവാദം കൊണ്ട് കഴിയുമെന്നാണ് ഇവരുടെ വിശ്വാസം. ഇവരുടെ അടുത്ത് ജനാധിപത്യവും, രാഷ്ട്രീയക്കാരും തോറ്റോടി എന്നതാണ് ഏറെ രസകരം