പിടിയില്‍ ന്യൂഡൽഹി: സുഭാഷ് നഗറില്‍ വഴിയാത്രക്കാരനെ ഇടിച്ച്‌ തെറിപ്പിച്ചതിന് ശേഷം കടന്ന് കളഞ്ഞ ഗുഡ്സ് ഓട്ടോറിക്ഷ ഡ്രൈവറെ ഡൽഹി പോലീസ് പിടികൂടി.പശ്ചിമ ഡൽഹി സ്വദേശി രാജേഷ് കുമാര്‍ ഗുപ്തയാണ് അറസ്റ്റിലായത്.
ബുധനാഴ്ച്ച പുലര്‍ച്ചെ അഞ്ച് മണിക്കാണ് അമിതവേഗത്തില്‍ വന്ന ഗുഡ്സ് ആട്ടോ സെക്യൂരിറ്റി ജീവനക്കാരന്‍ മത്ബൂലിനെ ഇടിച്ച്‌ തെറിപ്പിച്ചത്. അപകടമുണ്ടായി ഒന്നര മണിക്കൂറോളം റോഡിൽ രക്തം വാർന്നു കിട്ടുന്നതിന് ശേഷമാണ് മത്ബൂലിനെ ആശുപത്രിയിൽ എത്തിച്ചത്. അപ്പോഴേക്കും അദ്ദേഹം മരണപ്പെട്ടിരുന്നു.
അപകടത്തിന് ശേഷം ഡ്രൈവര്‍ വണ്ടിയില്‍ നിന്നും ഇറങ്ങിയെങ്കിലും വണ്ടി പരിശോധിച്ചതിന് ശേഷം കടന്ന് കളയുകയായിരുന്നു. ഇതിനിടെ രക്തം വാര്‍ന്ന് കിടന്ന മത്ബൂലിന് സമീപം എത്തി മൊബൈല്‍ ഫോണ്‍ മോഷ്ടിച്ച്‌ കടന്ന് കളഞ്ഞ റിക്ഷാ ഡ്രൈവറെ പോലീസിന് പിടികൂടാനായിട്ടില്ല. ഇയാള്‍ക്കായി തെരച്ചില്‍ തുടരുകയാണ്.
Post Your Comments