ആശുപത്രിയില്‍ തീപിടിത്തം; 12 നവജാത ശിശുക്കള്‍ വെന്തുമരിച്ചു

ബാഗ്ദാദ്: ഇറാഖ് തലസ്ഥാനമായ ബാഗ്ദാദിലെ ആശുപത്രിയില്‍ ഉണ്ടായ തീപിടുത്തത്തില്‍ 12 നവജാത ശിശുക്കള്‍ വെന്തുമരിച്ചു.പ്രസവ വാര്‍ഡിനോടനുബന്ധിച്ച് പൂര്‍ണ വളര്‍ച്ചയെത്താത്ത കുഞ്ഞുങ്ങളെ പരിചരിച്ചിരുന്ന വാര്‍ഡിലാണ് തിപിടുത്തമുണ്ടായത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക വിലയിരുത്തല്‍. 20 കുഞ്ഞുങ്ങളും 29 സ്ത്രീകളുമാണ് തീപിടിക്കുന്ന സമയത്ത് ഈ വിഭാഗത്തിലുണ്ടായിരുന്നത്.

തീ ആളിക്കത്താന്‍ തുടങ്ങിയപ്പോള്‍ തന്നെ ഇവരെ വാര്‍ഡില്‍ നിന്നും ഒഴിപ്പിച്ചു. എന്നാല്‍ വാര്‍ഡില്‍ നിന്നും ഒഴിപ്പിക്കാന്‍ കഴിയാതെ കുടുങ്ങിക്കിടന്ന 11 കുഞ്ഞുങ്ങളാണ് പൊള്ളലേറ്റ് മരിച്ചതെന്ന് ആശുപത്രി അധികൃതര്‍ അറിയിച്ചു.