കൊച്ചി: കൊച്ചിയിൽ എളമക്കര പൊലീസ് സ്‌റ്റേഷന് സമീപം സോമ കണ്‍സ്ട്രക്ഷന്‍ കമ്പനിയുടെ ഗോഡൗണിൽ മൂന്ന് മാസം വളര്‍ച്ചയെത്തിയ കഞ്ചാവ് ചെടികള്‍ കണ്ടെത്തി. ഇതിനെതുടർന്ന് മൂന്ന് അന്യസംസ്ഥാന തൊഴിലാളികളെ പൊലീസ് കസ്റ്റഡിയിലെടുത്തു.ഗോഡൗണിന്റെ അടുക്കളയുടെ സമീപത്തായാണ് കഞ്ചാവ് ചെടികള്‍ നട്ടിരുന്നത്.
ഇവര്‍ കഞ്ചാവ് വലിക്കുന്നതും ചെടികളെ പരിപാലിക്കുന്നതും ശ്രദ്ധയില്‍പ്പെട്ട പ്രദേശവാസികളാണ് പോലീസിനെ വിവരം അറിയിച്ചത്. തുടര്‍ന്ന് പൊലീസെത്തി സ്ഥലം പരിശോധിച്ചു. ചെടികള്‍ കഞ്ചാവാണെന്ന് ഉറപ്പുവരുത്തുന്നതിനായി എക്സൈസ് ഉദ്യോഗസ്ഥരെയും വിളിച്ചു വരുത്തിയിരുന്നു.
Post Your Comments