മരണത്തിൽ നിന്നും തിരിച്ചെത്തിയവരുടെ അനുഭവങ്ങൾ വ്യക്തമാക്കുന്നതെന്ത് ?

ഉയരത്തിലിരുന്ന് സ്വന്തം ശരീരം കാണുന്ന അഥവാ ശരീരമില്ലാതെ ആത്മാവ് മാത്രമാകുന്ന അവസ്ഥ മരണാനുഭവങ്ങളിലെ സ്ഥിരം കഥകളിലൊന്നാണ്. ജീവൻ രക്ഷിക്കാനായി ഡോക്ടർമാർ കിണഞ്ഞ് പരിശ്രമിക്കുന്നതും ബന്ധുക്കളുടെ നിലവിളിയുമൊക്കെ ആ സമയത്ത് കാണുമത്രെ.

ഏതായാലും ജീവിതത്തിലേക്ക് തിരിച്ചെത്തി അനുഭവം വിവരിച്ചവരിൽ ഹൃദയത്തിന്‍റെ പ്രവര്‍ത്തനവും ശ്വാസോച്ഛാസവുമെക്കെ നിലയ്ക്കുമ്പോളുള്ള ക്ലിനിക്കൽ ഡെത്തും തലച്ചോറിന്റെ പ്രവർത്തനം നിലച്ച ബ്രെയിൻ ഡെത്തും സാക്ഷ്യപ്പെടുത്തിയവരുമുണ്ട് . എന്നാൽ ഇത് മരണം സ്ഥിരീകരിച്ചതിലെ പിഴവാകാം അതെന്നാണ് ചില ഗവേഷകരുടെ വാദം. ഇസിജി മെഷീൻ പോലും ചിലപ്പോൾ തെറ്റായ വിവരം നൽകാമത്രെ. പലതരം വെളിപ്പെടുത്തലുകൾ പുറത്ത് വരുന്നുണ്ടെങ്കിലും ചില സമയങ്ങളിൽ നമ്മുടെ ഉപബോധമനസിലുള്ള കാര്യങ്ങൾ തന്നെയായിരിക്കും ഇത് എന്നാണ് ശാസ്ത്രജ്ഞൻമാർ പറയുന്നത്. ഏതായാലും മരണാസന്ന അനുഭവങ്ങളൂടെ നിഗൂഢതകള്‍ പൂര്‍ണ്ണമായും അനാവരണം ചെയ്യപ്പെടാനിരിക്കുന്നതേയുള്ളൂ