കാണ്‍പുര്‍ : ഉത്തര്‍പ്രദേശിലെ കാണ്‍പൂരില്‍ ഡിറ്റണേറ്ററുകളുടെ വന്‍ശേഖരം പിടികൂടി. കാണ്‍പുര്‍ലക്‌നോ ദേശീയ പാതയിലെ ചകേരിയില്‍ ഉപേക്ഷിച്ച നിലയില്‍ കണ്ടെത്തിയ കാറില്‍ നിന്നാണ് ഇവ പിടിച്ചെടുത്തത്. മൂന്നു കെട്ടുകളിലായി സൂക്ഷിച്ചിരുന്ന 1,000 ഡിറ്റണേറ്ററുകളാണ് പിടിച്ചെടുത്തത്.
കൂടുതല്‍ പരിശോധനകള്‍ക്കായി ഡിറ്റണേറ്ററുകള്‍ ഫോറന്‍സിക് പരിശോധനയ്ക്ക് അയച്ചു. പിടിച്ചെടുത്ത ഡിറ്റണേറ്ററുകള്‍ രാജസ്ഥാനിലെ ദൗല്‍പൂരില്‍ നിര്‍മിച്ചവയാണെന്നാണ് പ്രാഥമിക അന്വേഷണത്തില്‍നിന്നു പോലീസിനു ലഭിക്കുന്ന സൂചന. വന്‍ സ്‌ഫോടകവസ്തു ശേഖരം പിടിച്ചെടുത്തതിനെ തുടര്‍ന്ന് പോലീസ് സംസ്ഥാനത്ത് അതീവ ജാഗ്രതാ നിര്‍ദേശം നല്‍കിയിട്ടുണ്ട്.
Post Your Comments