കുണ്ടറ : പാചക വാതക സിലിണ്ടറുമായി വന്ന ലോറി വൈദ്യുത പോസ്റ്റിലിടിച്ച് മറിഞ്ഞു. ഇന്ന് രാവിലെ 6.15 ന് ദേശീയപാതയില്‍ കുണ്ടറ ആറുമുറിക്കടയ്ക്കും നെടുമ്പായിക്കുളത്തിലും മദ്ധ്യേയാണ് അപകടം നടന്നത്. ലോറി മറിഞ്ഞെങ്കിലും വന്‍ അപകടം ഒഴിവായി. ഡ്രൈവര്‍ക്കും ക്ലീനര്‍ക്കും നിസാര പരിക്കേറ്റു.
കഴക്കൂട്ടത്തു നിന്ന് പന്തളത്തേക്ക് പാചകവാതക സിലിണ്ടറുമായി പോയ ലോറിയെ പിന്നാലെ വന്ന ടിപ്പര്‍ ലോറി ഓവര്‍ടേക്ക് ചെയ്യുന്നതിനിടെ നിയന്ത്രണം വിട്ട ഗ്യാസ് ലോറി സമീപത്തെ വൈദ്യുത പോസ്റ്റില്‍ ഇടിച്ചായിരുന്നു അപകടം. പോലീസും ഫയര്‍ഫോഴ്‌സും എത്തി ഗ്യാസ് സിലിണ്ടറുകള്‍ സുരക്ഷിതമായി മാറ്റി. ഇതു വഴിയുള്ള ഗതാഗതം വഴിതിരിച്ച് വിട്ടു.
Post Your Comments