പിണറായിക്ക് ഇന്ന് പിറന്നാള്‍ മധുരം

തിരുവനന്തപുരം: മാധ്യമപ്രവര്‍ത്തകര്‍ക്ക് മധുരം വിതരണം ചെയ്ത് നിയുക്ത മുഖ്യമന്ത്രി പിണറായി വിജയന്റെ പിറന്നാളാഘോഷം. നാളെ മുഖ്യമന്ത്രിയായി അധികാരമേറ്റെടുക്കാനിരിക്കേയാണ് ഇരട്ടിമധുരവുമായി പിറന്നാള്‍ എത്തുന്നത്. ഔദ്യോഗിക രേഖകളില്‍ 21.05.1946 ആണ് ജന്മദിനമെങ്കിലും യഥാര്‍ത്ഥ തീയതി 1945 മെയ് 24 ആണെന്നും പിണറായി പറഞ്ഞു. നാളെ നടക്കുന്ന ചടങ്ങിന്റെ ഒരുക്കങ്ങള്‍ അറിയിച്ചുകൊണ്ട് വിളിച്ചുചേര്‍ത്ത വാര്‍ത്തസമ്മേളനത്തിലാണ് പിണറായി മധുരം വിതരണം ചെയ്തത്.