ഉത്സവത്തിന് ആന ഇടഞ്ഞു

ചെത്തല്ലൂര്‍: പാലക്കാട് ചെത്തല്ലൂര്‍ പനങ്കുറിശ്ശി ക്ഷേത്രത്തില്‍ ഉത്സവത്തിന് കൊണ്ടുവന്ന ആന ഇടഞ്ഞു. ഗുരുവായൂര്‍ ദേവസ്വത്തിലെ അയ്യപ്പന്‍കുട്ടി എന്ന ആനയാണ് ഇടഞ്ഞത്. എഴുന്നള്ളത്തിന് വരുന്നതിനിടയില്‍ ആന ഇടയുകയായിരുന്നു. അരമണിക്കൂറോളമാണ് ആന പരിഭ്രാന്തി പരത്തിയത്. ഈ സമയമത്രയും പാപ്പാന്‍ ആനപ്പുറത്തുണ്ടായിരുന്നു. ഇടഞ്ഞ ആനയെ തളക്കാനുള്ള ശ്രമത്തിനിടെ ആനപ്പുറത്ത് നിന്ന് സമീപത്തുള്ള കൊന്ന മരത്തിലേക്ക് ചാടിയാണ് പാപ്പാന്‍ രക്ഷപ്പെട്ടത്. എലഫന്റ് സ്‌ക്വാഡ് സ്ഥലത്തുണ്ടായിരുന്നതിനാല്‍ പെട്ടെന്നു തന്നെ തളയ്ക്കാനായി. ആര്‍ക്കും പരിക്കില്ല.