ശ്രീനഗര്‍: കശ്മീരില്‍ സൈനികന്‍ പീഡിപ്പിച്ചെന്ന ആരോപണം പെണ്‍കുട്ടി നിഷേധിച്ചു. സൈന്യം പുറത്ത് വിട്ട വീഡിയോയിലാണ് പെണ്‍കുട്ടി ആരോപണം നിഷേധിക്കുന്നത്.മൊബൈലില്‍ എടുത്ത വീഡിയോ ആണ് പുറത്ത് വിട്ടിരിക്കുന്നത്. പ്രദേശത്തുള്ള യുവാക്കളാണ് തന്നോട് അപമര്യാദയായി പെരുമാറിയതെന്നും പെണ്‍കുട്ടി പറഞ്ഞു.
സ്‌കൂളിലെ സഹപാഠിയായ വിദ്യാര്‍ഥി ഒരു സൈനികനുമായി തന്റെ പേര് ചേര്‍ത്ത് അപവാദം പറഞ്ഞു. ഇതുകേട്ട മറ്റുള്ള കുട്ടികളും തന്നെ പരിഹസിച്ചു. മറിച്ച് സൈനികര്‍ തന്നെ മാനഭംഗപ്പെടുത്തിയിട്ടില്ലെന്നും വിദ്യാര്‍ഥനി വ്യക്തമാക്കി.
വിദ്യാര്‍ഥിനിയെ സൈനികര്‍ മാനഭംഗപ്പെടുത്തിയെന്നാരോപിച്ചു പ്രദേശത്ത് സംഘര്‍ഷം ഉടലെടുത്തിരുന്നു. കല്ലേറു നടത്തിയ നാട്ടുകാര്‍ക്കു നേരെ സൈനികര്‍ നടത്തിയ വെടിവയ്പില്‍ കശ്മീരിലെ ക്രിക്കറ്റ് താരം നയീം കാദിര്‍ ഭട്ട് ഉള്‍പ്പെടെ മൂന്നുപേര്‍ മരിച്ചു. ക്ഷുഭിതരായ ജനം പട്ടാള ബങ്കറുകള്‍ക്കു തീവച്ചു. പൊലീസ് സ്റ്റേഷനുനേരെ കല്ലേറു നടത്തി. സംഘര്‍ഷമുണ്ടായ ഹന്ദ്വാര പട്ടണത്തില്‍ അധികൃതര്‍ കര്‍ഫ്യൂ ഏര്‍പ്പെടുത്തിയിരിക്കുകയാണ്.
Post Your Comments