ന്യൂഡല്‍ഹി: കേന്ദ്ര സര്‍വ്വകലാശാലകളില്‍ ദേശീയ പതാക ഉയര്‍ത്താനുള്ള തീരുമാനത്തിന് പിന്തുണയുമായി ഇന്ത്യന്‍ ക്രിക്കറ്റ് താരം ശിഖര്‍ ധവാന്. ഇന്ത്യന്‍ പതാക നമ്മുടെ അഭിമാനമാണെന്നും ഓരോ സര്‍വ്വകലാശാലകളിലും ത്രിവര്‍ണ്ണ പതാക ഉയര്‍ത്തണമെന്നും ധവാന് പറഞ്ഞു.
ഒരാളും സ്വന്തം രാജ്യത്തെക്കുറിച്ച് മോശമായത് പറയരുത്. അവരവരുടോ ഓരോ പ്രവര്‍ത്തനത്തിനും അവരവര്‍ തന്നെയാണ് ഉത്തരവാദി. കഴിഞ്ഞദിവസം ഒരു കബഡി മല്‍സരം കണ്ടിരുന്നു. മല്‍സരത്തിന് മുമ്പ് ദേശീയ ഗാനം ആലപിച്ചപ്പോള്‍ താന്‍ എഴുന്നേറ്റ് നിന്നിരുന്നു. രാജ്യത്തിനായി കളിക്കുന്നത് ഏറെ അഭിമാനകരമാണെന്നും അദ്ദേഹം കൂട്ടിച്ചേര്‍ത്തു.
കഴിഞ്ഞദിവസമാണ് ജെ.എന്‍.യു. സംഭവങ്ങളുടെ പശ്ചാത്തലത്തില്‍ രാജ്യത്തെ 46 കേന്ദ്ര സര്‍വ്വകലാശാലകളില്‍ ഇന്ത്യന്‍ പതാക ഉയര്‍ത്താന്‍ കേന്ദ്ര മാനവ വിഭവശേഷി വകുപ്പ് മന്ത്രാലയം തീരുമാനിച്ചത്.
Post Your Comments