റോം: ഇറ്റാലിയന്‍ നടന്‍ നാടക അഭിനയിക്കുന്നതിനിടെ തൂങ്ങിമരിച്ചു. 27കാരനായ റാഫേല്‍ സ്ഷുമാച്ചെറാണ് തൂങ്ങിമരണം അഭിനയിക്കുന്നതിനിടെ വേദിയില്‍ തൂങ്ങിമരിച്ചത്. സംഭവവുമായി ബന്ധപ്പെട്ട് രണ്ട് സംവിധായകരെയും രണ്ട് സ്റ്റേജ് ടെക്നീഷ്യന്മാരെയും പോലീസ് കസ്റ്റഡിയിലെടുത്തു.
കാണികള്‍ നോക്കിനില്‍ക്കെ മിറേജസ് എന്ന നാടകത്തിലെ ഒരു രംഗത്തില്‍ റാഫേല്‍ അഭിനയിക്കുന്നതിനിടെയായിരുന്നു സംഭവം. അപകടമാണോ ആത്മഹത്യയായിരുന്നോ എന്ന് പരിശോധിച്ചുവരികയാണ്.
അഭിനയിക്കുന്നതിനിടെ റാഫേല്‍ മുഖം മറച്ചിരുന്നു. മെഡിക്കല്‍ വിദ്യാര്‍ത്ഥിയായ കാണികളില്‍ ഒരാള്‍ റാഫേല്‍ ശ്വാസം കിട്ടാതെ പിടയുന്നതായി സംശയം പ്രകടിപ്പിച്ചതോടെ കയര്‍ മുറിച്ച് താഴെയിറക്കിയെങ്കിലും റാഫേലിന്റെ ജീവന്‍ രക്ഷിക്കാനായില്ല.
Post Your Comments