പാരീസ്: ഇറ്റാലിയന്‍ ഇതിഹാസം ബുഫണ്‍ ഉടൻ പിഎസ്ജിയിലേക്ക്. ഇറ്റാലിയൻ ലീഗിലെ കരുത്തരായ യുവെന്റ്‌സുമായുള്ള പതിനേഴു വർഷത്തെ കരിയർ അവസാനിപ്പിച്ചാണ് അദ്ദേഹം പിഎസ്ജിയിലേക്കെത്തുന്നത്. ഇറ്റലിയില്‍ നിന്നും പാരിസില്‍ നിന്നും പുറത്ത് വരുന്ന വാര്‍ത്തകള്‍ ശരിയാണെങ്കിൽ ബുഫണ്‍ ഒരാഴ്ചയ്ക്കുള്ളില്‍ മെഡിക്കലും മറ്റു നടപടിക്രമങ്ങൾക്കും ശേഷം പിഎസ്ജിയിലേക്കുള്ള വരവ് ഒഫീഷ്യലായി അറിയിക്കും. ഒരു സീസണിൽ എട്ട് മിലൻ യൂറോയാണ് (ഏകദേശം 63 കോടി രൂപ) പിഎസ്ജി ബുഫണിനു വാഗ്ദാനം ചെയ്തിരുന്നത്.
Also Read : നായക സ്ഥാനത്ത് കോഹ്ലി അധിക കാലം തുടരില്ലെന്ന് ദക്ഷിണാഫ്രിക്കന്‍ ഇതിഹാസം
ഇറ്റാലിയൻ സീരി എയില്‍ ഏറ്റവും കൂടുതൽ മത്സരങ്ങൾ കളിച്ചവരുടെ പട്ടികയിൽ 608 കളികളുമായി നാല്പതുകാരനായ ബുഫണാണ് രണ്ടാമത്. ഏറ്റവും കൂടുതല്‍ മിനുട്ടുകൾ ഗോള്‍ വഴങ്ങാതെ കളിക്കളത്തിൽ ചെലവഴിച്ച ഗോളി എന്ന റെക്കോര്‍ഡും ഒരു സീസണില്‍ 21 ക്ലീന്‍ഷീറ്റ് എന്ന റെക്കോർഡും ബുഫണിന്റെ പേരിലാണ്.
Post Your Comments