ആസാദി വിളികൾ കൊണ്ട് നിറഞ്ഞ് യോഗി ആദിത്യനാഥിന്‍റെ ഫേസ്ബുക്ക് പേജ്, പൊങ്കാലയിടാൻ മുന്നിൽ മലയാളികൾ തന്നെ

ന്യൂഡല്‍ഹി: ആസാദി മുദ്രാവാക്യം മുഴക്കുന്നത് രാജ്യദ്രോഹമാണെന്ന പ്രസ്താവന നടത്തിയ യു.പി. മുഖ്യമന്ത്രി യോഗി ആദിത്യനാഥിനെതിരേ ഫെയ്‌സ്ബുക്ക് പേജിൽ പൊങ്കാല. യോഗിയുടെ ഔദ്യോഗിക ഫെയ്‌സ്ബുക്ക് പേജിലെ ഫോട്ടോകള്‍ക്ക് താഴെ മലയാളികളാണ് പ്രതിഷേധ കമന്റുകളുമായി രംഗത്തെത്തിയത്. ബീഫ് റോസ്റ്റും  ഫ്രൈയും അടക്കമുള്ളവയുടെ ചിത്രങ്ങളും വീഡിയോകളും കമന്റുകളില്‍ നിറഞ്ഞുനില്‍ക്കുന്നു. ആസാദി എന്ന് കമന്‍റ് ചെയ്ത് പ്രതിഷേധിച്ചവരാണ് കൂടുതലും.

യോഗി ആദിത്യനാഥും കേന്ദ്ര ആഭ്യന്തര മന്ത്രി അമിത്ഷായും ഒരുമിച്ചുള്ള ഫോട്ടോയുള്ള പോസ്റ്റിന് താഴെയാണ് പൊങ്കാല. പ്രതിഷേധ കമന്റുകള്‍ കുമിഞ്ഞുകൂടിയപ്പോള്‍ യോഗിയെ അനുകൂലിക്കുന്നവരും മറുപടിയുമായി രംഗത്തെത്തിയിട്ടുണ്ട്. കഴിഞ്ഞദിവസം കാന്‍പുരിലെ രാഷ്ട്രീയവിശദീകരണ യോഗത്തിലാണ് ആസാദി മുദ്രവാക്യം മുഴക്കുന്നത് രാജ്യദ്രോഹക്കുറ്റമാണെന്ന് യു.പി. മുഖ്യമന്ത്രി പറഞ്ഞത്. ഇവര്‍ക്കെതിരെ സര്‍ക്കാര്‍ കര്‍ശന നടപടികള്‍ സ്വീകരിക്കുമെന്നും അദേഹം വ്യക്തമാക്കിയിരുന്നു.

https://www.facebook.com/MYogiAdityanath/posts/1115950812080952?__xts__%5B0%5D=68.ARCxLUPTQX_aPxBTtaICqdJZcPPekYpKMNMOVQgWBJjQymZm6NlDTywJ5pOUJMHZ22ENHDiBDT4E8ACxk5kqkSFOxh-FK7O4xIxdVoKWh4GrN__aepZ6aIx9jmd2GqqpcPl1XHdOkeS2Aajfg6hG-V3_51ipwXjgakqoHmt71L81OlWkaFi8_1TgfJPBdzXTqFI4WKjcCDNWfrsSEaZFpQ04kao9WUIBdqt-qvmJaT98pFsF13V57rlU4OzWpKP0UAPssuodpFQcgEXg52C09LQuDxBMkjhrPrLvcOLD_j027EPh5RIbDw9P8dAXbdXVvL6BM9u_og8slsWJMirH-K2x1w&__tn__=-R