തൃശൂര്‍; വിഷ്ണുപ്രസാദ് എന്ന യുവാവിന്റെ കണ്ണീരിനു ഒടുവിൽ ഫലമുണ്ടായതായി റിപ്പോർട്ട്. സോഷ്യൽ മീഡിയയിൽ ആണ് വിഷ്ണു പ്രസാദിന്റെ മോഷണം പോയ ബാഗ് തിരിച്ചു കിട്ടിയതായി പോസ്റ്റുകൾ പ്രചരിക്കുന്നത്.ഗൂഢല്ലൂര്‍ സ്വദേശിയായ വിഷ്ണുപ്രസാദിന് തൃശൂര്‍ റെയില്‍വെസ്റ്റേഷനില്‍ വെച്ച്‌ ഇക്കഴിഞ്ഞ പത്തിനാണ് വിലപ്പെട്ട രേഖകളും സര്‍ട്ടിഫിക്കറ്റുമടക്കമുള്ള ബാഗ് നഷ്ടമായത്.
ജീവിതത്തിലെ ഏറ്റവും വലിയ സ്വപ്നവും നെഞ്ചിലേറ്റിയാണ് ഗൂഡല്ലൂര്‍ സ്വദേശിയ വിഷ്ണു പ്രസാദ് തൃശൂരിലേക്കുള്ള ട്രെയിന്‍ കയറിയത്. എന്നാല്‍ കഴിഞ്ഞ നാലു ദിവസങ്ങളായി തൃശൂര്‍ നഗരത്തിലെ മാലിന്യ വീപ്പകളില്‍ നഷ്ടപ്പെട്ട തന്റെ ജീവിതത്തിന്റെ പ്രതീക്ഷ തിരയുകയായിരുന്നു വിഷ്ണു. തൃശൂർ റെയിവേ സ്റ്റേഷനിൽനിന്നും കാണാതായ പാസ്സ്പോർട്ടും രേഖകളും മറ്റുമടങ്ങിയ ബാഗ് അദ്ദേഹത്തിന് തിരിച്ചു കിട്ടി. കള്ളന്‍ കൊണ്ട് പോയ ബാഗ് ഒടുവില്‍ വടക്കുംനാഥ ക്ഷേത്രത്തിന് അടുത്ത് നിന്നാണ് വിഷ്ണുവിന് തിരികെ ലഭിച്ചത് .
ഇതിന്റെ സന്തോഷം പങ്കുവെക്കുകയാണ് സോഷ്യൽ മീഡിയ. പോലീസുകാരിൽ നിന്നും തന്റെ രേഖകൾ അടങ്ങിയ ബാഗ് ഏറ്റുവാങ്ങുന്ന വിഷ്ണു പ്രസാദിന്റെ ചിത്രവും പോസ്ടിനോപ്പം പ്രചരിക്കുന്നുണ്ട്.
Post Your Comments