ചെമ്പന്‍ വിനോദ് ഹവില്‍ദാറായി എത്തുന്ന പൂഴിക്കടകന്റെ ചിത്രീകരണം പാലായില്‍ തുടങ്ങുന്നു. സഹസംവിധായകനായ ഗിരീഷ് നായര്‍ ആദ്യമായി സംവിധാനം ചെയ്യുന്ന ചിത്രമാണിത്.
സാമുവല്‍ ജോണ്‍ എന്ന ഹവില്‍ദാറായിട്ടാണ് ചെമ്പന്‍ വിനോദ് എത്തുന്നത്. തമിഴ്, തെലുങ്ക് താരം ധന്യ ബാലകൃഷ്ണയാണ് ചിത്രത്തിലെ നായിക. അലന്‍സിയര്‍, വിജയ് ബാബു, ബാലു വര്‍ഗീസ് സജിത്ത് നമ്പ്യാര്‍, സുധി കോപ്പ, ബിജു സോപാനം, കോട്ടയം പ്രദീപ്, ഗോകുലന്‍, അശ്വിന്‍, സെബി ജോര്‍ജ് , മാലാ; പാര്‍വതി , ഐശ്വര്യ ഉണ്ണി തുടങ്ങിയവരാണ് മറ്റു അഭിനേതാക്കള്‍.
ഗിരീഷ് നായരുടേയും ഉണ്ണി മലയിലിന്റെയും കഥയ്ക്ക് ഷ്യാല്‍ സതീഷും ഹരി പ്രസാദ് കോളേരിയും ചേര്‍ന്നാണ് തിരക്കഥ ഒരുക്കുന്നത്. റഫീഖ് അഹമ്മദ്, സന്തോഷ് വര്‍മ്മ, മനു മന്‍ജിത് എന്നിവരുടെ വരികള്‍ക്ക് ബിജി ബാല്‍,രഞ്ജിത്ത് മേലേപ്പാട്ട എന്നിവരാണ് സംഗീതം നല്‍കുന്നത്.
ഈവാബ് പ്രൊഡക്ഷന്‍സിന്റെ ബാനറില്‍ സാമും നൗഫലും കാഷ് മൂവീസുമായി ചേര്‍ന്നാണ് ചിത്രം നിര്‍മ്മിക്കുന്നത്.
Post Your Comments