പനാജി: പ്രശസ്ത ബോളിവുഡ് നടി സറീന്‍ ഖാന്റെ കാറിടിച്ച് ബൈക്ക് യാത്രകാരന് ദാരുണാന്ത്യം. പടിഞ്ഞാറന്‍ ഗോവയിലെ ബീച്ചിന് സമീപമുള്ള അഞ്ജുന ഗ്രാമത്തില്‍ ബുധനാഴ്ചയായിരുന്നു സംഭവം. അപകടത്തില്‍ ഗോവ സ്വദേശിയായ നിതേഷ് (31) ആണ് മരിച്ചത്. അപകടം നടന്നയുടന്‍ ഇയാളെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
അപകടം നടക്കുമ്പോള്‍ സെറീന്‍ ഖാനും ഡ്രൈവറുമാണ് കാറിലുണ്ടായിരുന്നത്. സംഭവത്തില്‍ പോലീസ് കേസ് എടുത്തു. സല്‍മാന്‍ ഖാന്‍ ചിത്രം വീറിലൂടെ ബോളിവുഡില്‍ ചുവടുറപ്പിച്ച താരമാണ് സറീന്‍ ഖാന്‍. ഹേറ്റ് സ്റ്റോറി, ഹൗസ് ഫുള്‍ 2 തുടങ്ങി നിരവധി ഹിറ്റ് ചിത്രങ്ങളിലൂടെ ശ്രദ്ധിക്കപ്പെട്ട നടിയാണ് സറീന്‍.
Post Your Comments