പ്രളയം മൂലം യാത്ര മാറ്റിവെക്കേണ്ടി വന്നവർക്ക് ടിക്കറ്റ് സൗജന്യം

അബുദാബി: പ്രളയത്തെ തുടർന്ന് നെടുമ്പാശേരി രാജ്യാന്തര വിമാനത്താവളം അടച്ചതിനാൽ യാത്ര മാറ്റിവെക്കേണ്ടി വന്നവർക്ക് സൗജന്യമായി ടിക്കറ്റ് മാറ്റി നൽകുമെന്ന് എയർഇന്ത്യ എക്സ്പ്രസ്. ഓഗസ്റ്റ് 16 മുതൽ 29 വരെ യാത്ര ചെയ്യാനാകാത്തവർക്ക് നവംബർ 15 വരെയാണ് ടിക്കറ്റ് മാറ്റിനൽകുക. ഈ ടിക്കറ്റിൽ നവംബർ മുപ്പതിനകം യാത്ര ചെയ്യണം. നവംബർ 15ന് ശേഷം തീയതി മാറ്റുന്നവരിൽനിന്ന് ഫീസ് ഈടാക്കുമെന്നും അധികൃതർ അറിയിച്ചു.