തിരുവനന്തപുരം: ശബരിമലയില്‍ സ്ത്രീകള്‍ക്ക് പ്രവേശനം അനുവദിച്ച സുപ്രീംകോടതി വിധിക്കെതിരെ തിങ്കളാഴ്ച നടത്താനിരുന്ന ഹർത്താലിൽ നിന്ന് ശിവസേന പിൻമാറി. സംസ്ഥാനത്ത് കാലാവസ്ഥ മോശമായതിനെ തുടർന്നാണ് ഹർത്താൽ പിൻവലിച്ചതെന്നാണ് വിശദീകരണം. വിധിയില്‍ പ്രതിഷേധിച്ച്‌ ശിവസേന ഓക്ടോബര്‍ ഒന്നിന് സംസ്ഥാന വ്യാപകമായി ഹര്‍ത്താലിന് ആഹ്വാനം ചെയ്തിരുന്നു.
എന്നാൽ സംസ്ഥാനത്ത് പ്രളയവും കൊടുങ്കാറ്റും ആവര്‍ത്തിക്കാന്‍ സാധ്യത ഉള്ളതിനാല്‍ ചില ജില്ലകളില്‍ യെല്ലോ അലര്‍ട്ട് പ്രഖ്യാപിച്ച സാഹചര്യത്തിലാണ് ഹര്‍ത്താല്‍ പിന്‍വലിക്കുന്നതെന്ന് ശിവസേന സംസ്ഥാന കമ്മിറ്റി ഇറക്കിയ പ്രസ്താവനയില്‍ അറിയിച്ചു.
Post Your Comments