കാറപകടത്തിൽ കന്നഡ താരങ്ങൾക്ക് പരുക്കേറ്റു

കന്നഡ താരങ്ങളായ ദർശൻ, ദേവരാജ്, പ്രജ്വൽ ദേവരാജ് എന്നിവർക്കാണ് മൈസൂർ റിംഗ്റോഡിൽ ഇന്ന് പുലർച്ചെയുണ്ടായ അപകടത്തിൽ പരുക്കേറ്റു.

ദർശന്റെ വലതു കൈയ്ക്ക് സാരമായ പരുക്കേറ്റിട്ടുണ്ട്.മൈസൂർ റിംഗ്റോഡിലെ ഹിങ്കൽ പാലത്തിനു സമീപമുള്ള ഡിവൈഡറിലേക്ക് ദർശനും താരങ്ങളും സഞ്ചരിച്ച എസ്‌യുവി ഇടിച്ചു കയറുകയായിരുന്നു എന്നാണ് പൊലീസ് റിപ്പോർട്ട്. പുലർച്ചെ മൂന്നരയ്ക്കായിരുന്നു​ അപകടം.

താരങ്ങളെ കൂടാതെ നാലുപേർ കൂടി കാറിലുണ്ടായിരുന്നു. നിയന്ത്രണം വിട്ട വണ്ടി ഡിവൈഡറിൽ ഇടിക്കുകയായിരുന്നു എന്നാണ് പൊലീസിന്റെ പ്രാഥമിക നിഗമനം.

ആരാണ് അപകടസമയത്ത് വണ്ടി ഓടിച്ചതെന്നോ അപകട കാരണമെന്തെന്നോ തുടങ്ങിയ കാര്യങ്ങളിൽ വ്യക്തതയില്ല. വാണിവിലാസപുരം ട്രാഫിക് പൊലീസ് സ്റ്റേഷൻ അപകടത്തെ കുറിച്ച് അന്വേഷിച്ചുവരികയാണ്.താരങ്ങളെ മൈസൂരിലെ കൊളംബിയ​​ ഏഷ്യ ഹോസ്പിറ്റലിൽ പ്രവേശിപ്പിച്ചു