തന്റെ ആദ്യ ചിത്രത്തിന്റെ പ്രതിഫലം കേരളത്തിന് സംഭാവന നൽകി പുതുമുഖ ബോളിവുഡ് നടൻ

മഴക്കെടുതിയിൽ ദുരിതം അനുഭവിക്കുന്ന കേരളത്തിന് നാനാ ഭാഗത്ത് നിന്നും സഹായങ്ങൾ ലഭിക്കുകയാണ്. ഇപ്പോൾ ബോളിവുഡിൽ നിന്ന് കേരളത്തിന് മറ്റൊരു സഹായം ലഭിച്ചിരിക്കുകയാണ്. തന്റെ ആദ്യ ചിത്രത്തിന്റെ പ്രതിഫലം ദുരിതാശ്വാസ നിധിയിലേക്ക് സംഭാവന നൽകിയിരിക്കുകയാണ് ബോളിവുഡ് നടൻ ഉത്കർഷ ശർമ്മ.

Heartrending stories r cming in2keep Kerala motivated2 emerge out of its worst https://t.co/un07Vw5Z1g indebted as a Malayali& greatly proud as an Indian when a young rising star @iutkarsharma debuting ds week wth @genius_themovie donating a huge sum of his 1st pay cheque!

— resul pookutty (@resulp) August 19, 2018

ഉത്കർഷ നായകനായി പുറത്തിറങ്ങിയ ചിത്രം ആണ് ജീനിയസ്. താൻ ആദ്യമായി നായകനാകുന്ന ചിത്രത്തിന്റെ പ്രതിഫലം ആണ് അദ്ദേഹം സംഭാവനയായി നൽകിയിരിക്കുന്നത്. സംവിധായകൻ അനിൽ ശർമയുടെ മകനാണ് ഉത്കർഷ. നവാസുദ്ദിൻ സിദ്ദിഖിക്കൊപ്പം ആണ് ഉത്കർഷ ജീനിയസിൽ അഭിനയിക്കുന്നത്. ഉത്കർഷിന്റെ പ്രവർത്തിയെ അഭിനന്ദിച്ച് റസൂൽ പൂക്കുട്ടി ട്വീറ്റ് ചെയ്തിരുന്നു.