തിരുവനന്തപുരം: സംസ്ഥാനത്തെ മെഡിക്കല്‍ പ്രവേശനത്തിനുള്ള രണ്ടാം അലോട്ട്മെന്റ് ഈ മാസം എട്ടിനു ശേഷമുണ്ടാകും. എംബിബിഎസ‌്, ബിഡിഎസ‌് അഖിലേന്ത്യാ ക്വോട്ട പ്രവേശനത്തിനുണ്ടായിരുന്ന സ്റ്റേ സുപ്രീംകോടതി നീക്കിയിരുന്നു. ഇതോടെ അഖിലേന്ത്യ ക്വോട്ട രണ്ടാം അലോട്ടുമെന്റ‌് ബുധനാഴ‌്ച തന്നെ നടത്തി. ഇൗ അലോട്ടുമെന്റില്‍ പ്രവേശനം ലഭിച്ചവര്‍ക്ക‌് കോളേജുകളില്‍ പ്രവേശനം നേടാനുള്ള സമയം എട്ടുവരെ നീട്ടിയിട്ടുണ്ട്.
ALSO READ:മെഡിക്കല്‍ പ്രവേശനം; ആദ്യ അലോട്ട്മെന്റ് പട്ടിക പ്രസിദ്ധീകരിച്ചു
അഖിലേന്ത്യാ ക്വോട്ടയില്‍ ഒഴിവുവരുന്ന സീറ്റുകള്‍ അതത‌് സംസ്ഥാനങ്ങള്‍ക്ക‌് നല്‍കും. ഇവ കൂടി ഉള്‍പ്പെടുത്തിക്കൊണ്ടാകും സംസ്ഥാനത്തെ രണ്ടാംഘട്ട അലോട്ടുമെന്റ‌് പ്രസിദ്ധീകരിക്കുക. മെഡിക്കല്‍ അനുബന്ധ കോഴ‌്സുകളിലേക്കുള്ള പ്രവേശനവും ഇതിനൊപ്പം നടത്തും.അതേസമയം സംസ്ഥാനത്ത് ഒന്നാം വര്‍ഷ എംബിബിഎസ‌് ക്ലാസുകള്‍ ബുധനാഴ‌്ച ആരംഭിച്ചു. സുപ്രീംകോടതി ഉത്തരവിന്റെ അടിസ്ഥാനത്തിലായിരുന്നു ബുധനാഴ‌്ച ക്ലാസുകള്‍ ആരംഭിച്ചത്.
Post Your Comments