ജിയോ ഫോണ്‍ ഉപഭോക്താക്കള്‍ക്ക് വമ്പൻ ഓഫറുകൾ

ന്യൂഡൽഹി : ജിയോ ഫോൺ ഉപഭോക്താക്കള്‍ക്ക് വമ്പൻ ഓഫറുകൾ സ്വന്തമാക്കാം. 594 രൂപ മുടക്കിയാല്‍ ആറുമാസത്തേയ്ക്ക് പരിധിയില്ലാത്ത ഡാറ്റയും കോളും ഓഫര്‍ ചെയ്ത് ജിയോയുടെ പുതിയ പ്ലാന്‍.

മൺസൂൺ ഹങ്കാമ ഓഫർ പ്രകാരം ജിയോ ഫോൺ ഉപയോഗിക്കുന്നവർക്കാണ് ഈ ഓഫർ പ്രയോജനം ചെയ്യുക. പഴയ ഫീച്ചര്‍ ഫോണും 501 രൂപയും നല്‍കിയാല്‍ പുതിയ ജിയോ ഫോണും മണ്‍സൂണ്‍ ഓഫര്‍ പ്രകാരം ലഭിക്കും. ഓഗസ്റ്റ് 15ന് വിപണിയിലെത്തുന്ന ജിയോ ഫോണ്‍ 2വിന് ഈ ഓഫര്‍ ബാധകമല്ല.
പഴയ ഫോണ്‍ നല്‍കി പുതിയ ഫീച്ചര്‍ ഫോണ്‍ വാങ്ങുന്നവര്‍ക്ക് 49 രൂപയ്‌ക്കോ 153 രൂപയ്‌ക്കോ റീച്ചാര്‍ജ് ചെയ്ത് 4ജി സേവനം ഉപയോഗിക്കാം.

Read also:ബോട്ട് സവാരിക്കിറങ്ങിയ കുടുംബത്തിന് ഭീക്ഷണിയായി വിഷപ്പാമ്പ് ; പിന്നീട് സംഭവിച്ചത്

49 രൂപയുടെ റീചാർജ് 28 ദിവസ കാലാവധിയിൽ പരിധിയില്ലാത്ത കോളും ദിവസേന 1 ജിബി നെറ്റും ഉപയോഗിക്കാം . 153 രൂപയ്ക്കാണെങ്കിൽ 1.5 ജിബി ഡാറ്റയും 100 എസ്എംഎസും പരിധിയില്ലാത്ത കോളും ലഭിക്കും.