തിരുവല്ലം: വിദേശവനിത ലിഗയുടെ മരണവുമായി ബന്ധപ്പെട്ട് പോലീസ് അന്വേഷണം ഊർജിതം. മൃതദേഹം കണ്ടെത്തിയ പൂനംതുരുത്തില്‍ പൊലീസിന്റെ തിരച്ചില്‍ ശക്തം. ഇവിടെനിന്ന് വള്ളികള്‍ ചേര്‍ത്തുകെട്ടി ഉണ്ടാക്കിയ കുരുക്ക് പൊലീസിന് ലഭിച്ചു. ഏഴുപേരെ സംഭവവുമായി ബന്ധപ്പെട്ട് പൊലീസ് കസ്റ്റഡിയിലെടുത്തതായി സൂചനയുണ്ട്.
പൂനം പ്രദേശത്തുനിന്ന് രണ്ടുദിവസം മുമ്പ് കാണാതായ മധ്യവയസ്‌കനുവേണ്ടിയും പൊലീസ് അന്വേഷണം ആരംഭിച്ചു. പൂനംതുരുത്തിലെ കാട് ഇതരസംസ്ഥാന തൊഴിലാളികളുടെ സഹായത്തോടെ വെട്ടിത്തെളിച്ചാണ് തിരച്ചില്‍ നടത്തുന്നത്. ശ്വാസം മുട്ടിയാണ് മരണം എന്ന ഫോറന്‍സിക് റിപ്പോര്‍ട്ടിനെതുടര്‍ന്ന് തൂങ്ങിമരണത്തിെന്‍റ സാധ്യതകള്‍ക്കായുള്ള പരിശോധനകളും പൊലീസ് സംഘം സ്ഥലത്ത് നടത്തി.
read also: ലിഗ കണ്ടല്‍ക്കാട്ടിലേക്ക് പോകുന്നത് കണ്ടതായി പറഞ്ഞ സ്ത്രീ ഒടുവിൽ മൊഴി മാറ്റി
ലിഗയുടെ ആന്തരികാവയവങ്ങളുടെ രാസപരിശോധന ഫലം കൂടി വന്നാല്‍ മാത്രമേ കൂടുതൽ വിവരങ്ങൾ ലഭ്യമാകൂ. പൂനംതുരുത്തിന് എതിര്‍വശത്തെ കടയില്‍ ലിഗ എത്തിയെന്ന വിവരത്തിെന്‍റ അടിസ്ഥാനത്തില്‍ അവിടെയും പൊലീസ് എത്തി വിവരങ്ങള്‍ ശേഖരിച്ചു. വ്യാഴാഴ്ചയും തിരച്ചില്‍ തുടരും.
Post Your Comments