ന്യൂഡല്‍ഹി: സ്വന്തം തട്ടകത്തില്‍ ഡല്‍ഹി ഡയനാമോസിന് ബംഗളൂരുവിനെതിരെ ജയം. എതിരില്ലാത്ത രണ്ട് ഗോളുകള്‍ക്കാണ് ഡല്‍ഹി ബംഗളൂരുവിനെ തകര്‍ത്തത്‌. ലെല്ലിയാന്‍സുവാല ചാംഗ്‌തെയും ഗുയോന്‍ ഫെര്‍ണാണ്ടസുമാണ് ഡല്‍ഹിക്കായി ഗോളുകള്‍ നേടിയത്.
ഗോള്‍ അകന്ന് നിന്ന ആദ്യ പകുത്തിക്ക് ശേഷം 72-ാം മിനിറ്റിലാണ് ആദ്യ ഗോള്‍ പിറന്നത്. പ്രിതം കൊട്ടാല്‍ നല്‍കിയ പാസില്‍ നിന്നും പന്തുമായി മുന്നേറിയ ലെല്ലിയാന്‍സുവാല ചാംഗ്‌തെ ബംഗളൂരുവിന്റെ ഗോള്‍വല കുലുക്കുകയായിരുന്നു. തുടര്‍ന്ന് 90-ാം മിനിറ്റില്‍ ഗുയോന്‍ ഫെര്‍ണാണ്ടസിനെ ബോക്‌സില്‍ സുഭാസിഷ് ബോസ് ഫൗള്‍ ചെയ്തതിന് ലഭിച്ച പെനാല്‍റ്റി യാതൊരു പിഴവും കൂടാതെ ഗുയോന്‍ വലക്കുള്ളിലാക്കി.
ജയിച്ചെങ്കിലും പോയിന്റ് പട്ടികയില്‍ അവസാന സ്ഥാനത്താണ് ഡല്‍ഹി. ബംഗളൂരു ആകട്ടെ രണ്ടാം സ്ഥാനത്തും.
Post Your Comments